Mumpar 14:1 - mzwDBL

¹ A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Mumpar 14:1 Iomraidhean Croise

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Mumpar 10:22

Sɛm bibaala waa lol ba laanee, Elam ne Assur ne Aafaksad ne Lud dɛ Aram.

Mumpar 11:2

Ba iro dɛ ɡaaɡe wee leebɔr dɛ ka le Babelɔn tena deŋɡarere harɛ waa chɔa kaa ta, dɛ ka so bela.

Mumpar 14:9

Elam Kooro Kedolaoma ne Goiim Kooro Tidal ne Sina Kooro Amrafɛl dɛ Elasar Kooro Areɔk. Koranar banue ne koranar banaarɛɛ yoa.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Aesaya 37:12

N naawa yo harɛre nɛra bane baa le Gosan ne Haran ne Rɛsɛf, dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

Jeremia 25:25

ne Simri ne Elam dɛ Midia koranar bwa,

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Sekaria 5:11

O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”

Josua 12:23

Dɔr, o ɡe lɔ mpo nyoa ne Goim, dɛ do Galilia harɛ ta,