Mumpar 13:8 - mzwDBL

⁸ Belaa Abram ŋɔ Lɔt be ŋɔ, “Nɛmbeŋkpoŋii n ne he bwa, anomanta, a ta chɛɛ kɛŋɔ n ne he yo, a ta chɛɛ kɛŋɔ n bonɔɔna ne he bonɔɔna ɡe yo.

Mumpar 13:8 Iomraidhean Croise

Mumpar 13:9

Anomanta, ya peɡri dɔŋa baah. Nyiŋi harɛ nɔ waa chɔa kaa nɔ bwa, ásɛ dɛ kpɔ baŋ bela bwa waa wera he be, ásɛ he do baŋ bɛl, ń ɡe do baŋ bɛl.”

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

Mumpar 45:24

O kaa do o dɔɔranar ŋwɛnɛ asɛ baa dɛ kaa la, o ŋɔ ba be ŋɔ, “Hɛɛ berɛ ka yoi ŋwɛnɛ ta noo!”

Mumpar 46:34

hé nyiŋi kɛrɛdɛ dɛ́ ŋɔ o be ŋɔ haa ira bwa, kondɛɛra ta nyiŋa toma ɡboo hɛɛ ɛ ɡɛ ya naawa aa ɛa wubwa la. O no ɡɛ naa, wɛɛ ɡeloo he so Gosen harɛ bonɔ.” Dɛ Ijipt tena kii peteɡra, a waa Josef ŋɔ ba ŋɔ ɡɛ la.

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Kaala 2:13

Tɔ aa pera la, o laŋɔ ŋɔ ó ka chɔɔ o bala la ja dɛ na Hibru tena baala banɛ aa dɛ yo. Belaa o bɔɔ onɔ la o kon aa wola maɡrɛ la ŋɔ, “Ɛrɛɛ hɛɛ lɔɔ he dɔŋ nɔɔ?”

Sɛɡla 15:1

Tahaah dɛ sɔɔh bandia, takpeɡ ɡe ɛɛ ir bwaawee.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 20:3

Baa bɛlbwa jirimaa kɛŋɔ o laa o te kpɔ naɡra we-ɛɛla ta, ɡɛnee dɛɛ nyin yoi.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

We-ɛɛla 7:26

Tɔ aa pera la, o na Israel tena banɛ baa yo, dɛ la ŋɔ ó ka larawe ba yoi la. O ŋɔ ba be ŋɔ, ‘Nɛmbeŋkpoŋii heya. Bɔkwaa dɔ heyaa hɛɛ yo ken ɔ?’

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Felepae 2:14

Wobɛlbwa haa dɛ ɛ la, he bɛ waa dɛɛ naɡre, dɛ bɛ waa dɛɛ tɔŋle,

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Hibru 13:1

He nya biirii dɔŋa Yeesu Kristo waa nɔ ta, anomanta, hɛ́ɛ nyin dɔŋa saŋ bɛlbwa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

1 Jɔn 4:7

Yabala, hé ɡel ya nyin dɔŋa, dɛkalkɛ nɛnnyin le Korowii be. Nomɛlbwa waa dɛ nyin nɛn la, o ɛ Korowii bie dɛ jemɔ.

Sitɔɔla 9:26

Dɛ Ɛbɛd bibaa sɔne Gaal. Awola bɛl, Gaal ne o nimanar iro ka so Sɛkem, asɛ bwɛɛ la tena ɛɛ yaradao.