Mumpar 13:18 - mzwDBL

¹⁸ Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 13:18 Iomraidhean Croise

Mumpar 13:4

bela o fa aa pa bwea dawɛ dɔŋa nɛ dɛ kwaa kon dɛ kpo kwaa dɛɛ tɛ Korowii o ta la, dɛ tomɛ Korowii bela kɛrɛdɛ.

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Mumpar 18:1

Awola webaŋkpela bɛl, Abraham soɡe o tɛnte dea doonyoa Mamre dajena la bɔr, asɛ Korowii berɛ ba o be ja.

Mumpar 22:9

Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.

Mumpar 23:2

Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

Mumpar 26:25

Belaa Aesek ɛ kon baa ɛ saraha o ta dɛɛ tɛ Korowii bela dɛɛ tomɔ. O baŋre o tɛnte dea, asɛ o bonɔɔna la kwi kɔlɔŋ bela ja.

Mumpar 35:27

Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

Yela 16:8

N dɛ na kɛŋɔ, n ne Korowii lole saŋ bɛlbwa. Maa ɔmɛ bwa, dɛkalkɛŋɔ o cheɡɛ n habɔɔ.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Hibru 11:9

Yarada nee o ka so harɛfale Korowii aa baɡɔ nyoa la ta kɛŋɔ hɔɔh ken. Tɛnte deene binii o so kɛŋɔ o bie Aesek ne o ɡe bie Jekɔb Korowii aa baɡɛ ba ɡe a ɡɛ nyoa nɔ tenten la.

Josua 14:13

Ate, Josua swee andɛɛɡa tɛ Jefune bibaa Kaleb, dɛ kpɔ bwɛjen Hɛbrɔn tɛo ŋɔ ó ɛ o kapɛrɛ kon.

Josua 15:13

Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.