Mumpar 12:8 - mzwDBL

⁸ Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Mumpar 12:8 Iomraidhean Croise

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 13:3

Waa le bela la, o ɡaaɡɔ dɛ choɡ bwɛɛre ta ɡɛ naaa dɛ ba tel bela o fa aa baa choɡ mumpar bwa la. Bela lɔ Bɛtel ne Ai baah ta,

Mumpar 13:4

bela o fa aa pa bwea dawɛ dɔŋa nɛ dɛ kwaa kon dɛ kpo kwaa dɛɛ tɛ Korowii o ta la, dɛ tomɛ Korowii bela kɛrɛdɛ.

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

Mumpar 22:9

Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.

Mumpar 26:25

Belaa Aesek ɛ kon baa ɛ saraha o ta dɛɛ tɛ Korowii bela dɛɛ tomɔ. O baŋre o tɛnte dea, asɛ o bonɔɔna la kwi kɔlɔŋ bela ja.

Mumpar 28:19

Dɛ pa bela sɔn Bɛtel. Wubwa la dɛ o sɔne Lus.

Mumpar 31:25

Dɛ Jekɔb baŋre o tɛnte dea Gelead deŋɡarere harɛ ta, asɛ Laban ɡe ne o nɛra baŋre ba kon baŋ bɛl.

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 35:3

Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.”

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.

Mumpar 4:26

Sɛt ɡe aa baa ir la, o lolɛ bibaa dɛ pa o sɔn Enɔs. Le a ɡɛ saŋee nɛwɛnyina pa mun dɛɛ yerɛ Korowii sɔn dɛɛ tomɔ.

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

Nehemia 11:31

Bɛnjamen dea tena soɡe Geba ne Mikmas ne Aeja dɛ Bɛtel ne bwɛjeɡre aa bara ta,

Yela 116:4

Belaa n yerɛ Korowii ŋɔ, “N Naa Korowii, lɛɛ mɛ!”

Kaala 17:15

Mosis ɛ kon waa ɛ saraha o ta dɛɛ tɛ Korowii bela, dɛ pa o sɔn ŋɔ, “Korowiirii yoa dɛɛ tɛ mɛ.”

Aesaya 10:28

Hé na! Laa tena jo bwɛjen Aiyat, dɛ kpɔ Meɡrɔn dɛɛ ba, dɛ ka kpɔ bone ka cheɡ Mikmas.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

We-ɛɛla 2:21

A ɡɛ saŋ la, nomɛlbwa waa yerɛ men Korowii sɔn la, mɛɛ lɛo.’

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

Hibru 11:9

Yarada nee o ka so harɛfale Korowii aa baɡɔ nyoa la ta kɛŋɔ hɔɔh ken. Tɛnte deene binii o so kɛŋɔ o bie Aesek ne o ɡe bie Jekɔb Korowii aa baɡɛ ba ɡe a ɡɛ nyoa nɔ tenten la.

Josua 18:22

ne Bɛt Araba ne Semaraem dɛ Bɛtel,

Josua 22:10

Baa kaa tel Gelilɔt, Keenan harɛ waa lɔ Jɔɔdan Moo nyoa wee cholibɔr pera la, Rubin ne Gad dɛ Manasɛ dea pera deene ma kon baa ɛ saraha o ta tɛ Korowii cheɡ Jɔɔdan Moo nyoa bela, o kan dɛ do wer kɛrɛdɛ.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Josua 8:12

Dɛ Josua kpɔ laa tena la dɛ ɛ kaɡboŋa banue ka sɔh ba chɔ dɛɛ kpa Bɛtel ne bwɛjen Ai baah ta, o wee cholibɔr.

Josua 8:17

Baa bɛlbwa ta bwɛjen Ai ne Bɛtel kae baa wola leɛ dɛ ti Israel tena. Ba ɡel bwɛjen la o chɔ pɛɛ dɛ ti ba kaa. Baa bɛlbwa toole o ta dɛ́ yo kpa.

Josua 8:3

Ate, Josua ne o nɛra kpɔ ba te dɛ kaa Ai dɛ ka yoo ba. Josua kpɔ nɛra kaɡboŋa fifraatoro baa jemɛ laa yoi le Israel tena la bini dɛ tom ba jwaana,

Josua 8:30

Asɛ Josua ma kon baa dɛ ɛ saraha o ta tɛ Korowii Israel tena aa dɛ tomɔ la, Ebal Bwejen ta,

Josua 8:9

Ate, Josua tɛ laa tena la ŋwɛnɛ ba kaa bela baa sɔah chɔ dɛɛ kpa ɡɛ waa ŋɔa la. Ai wee cholibɔr dɛɛ kaa Bɛtel baah taa ba ka sɔh. Josua ɡe ne laa tena baa kaa la kaa chɔ bela baa baŋre ba tɛnte deene la.

Sitɔɔla 6:24

Anomanta, Gedeɔn ɛ kon baa dɛ ɛ saraha o ta tɛ Korowii bela dɛ pa o sɔn ŋɔ, ‘Korowiirii Deŋnesɔɔhna’. Kpoŋe ba le fini, kon la ta cheɡɛ Abeɛsa dea tena bwɛɛ Ofra.

1 Samoɛl 30:27

O kpɔ kwaa la ane ka tɛ banɔ la baa lɔ bwɛjena Bɛtel ne Ramɔt ne Jatir aa lɔ Juda weekaŋle harɛbɔr,