Mumpar 12:13 - mzwDBL

¹³ Anomanta, ba pɛɛre ɡɛ naa, he ŋɔ ba be ŋɔ he dɔɔree men, ásɛ ba ɡel mɛ dɛ́ nyiŋ mɛ kɛrɛdɛ.”

Mumpar 12:13 Iomraidhean Croise

Mumpar 11:29

Abram ne Neehɔ bwa aa baa kpeɡ la, ba mo haahna. Abram haah sɔne Sarai, asɛ Neehɔ ɡe haah sɔne Milka, o ne Eska bwa mɛɛ baa yerɛ Haaran la.

Mumpar 12:14

Abram aa jo Ijipt harɛ ta la, ba na o haah la kɛ o wer kpela.

Mumpar 20:2

Belaa o ŋɔ o nimambiee o haah Saara. Anomanta, Gerar kooro baa dɛ yerɔ Abemɛlɛk tomɛ nɛra ba ka lawɛ Saara ba tɛo.

Mumpar 20:5

Abraham ɡbaɡbaa ŋɔa ŋɔ o nimambiee, asɛ haah la ɡe ŋɔ ɡɛ tenten. Liichɔɡa bɛlbwa laa n lii.”

Mumpar 26:7

Asɛ bela tena bɔɔro o haah wa, anee o chaŋ ba ŋɔ, “N nimambiee.” Dɛ o dɛ ɔmɛ kɛŋɔ o bol ŋɔ o haahnee. Gɛ laa aa, Rebɛka wer waa doo la nomanta, bela tena ɛɛ kpoo.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Jeremia 38:17

Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu.

Jeremia 38:20

Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Kolosi 3:6

A ɡɛ waa nɔ, Korowii bwaawee dɛ ir a ta taeh. Wɛɛ kpɔ wahalaa ta nɛra baa dɛ ɛ deŋnekpeɡ dɛɛ ɛ ɡɛ la nɛ.