Mumpar 11:3 - mzwDBL

³ Belaa ba ŋɔ dɔŋa be ŋɔ, “Bwɛɛla, hé ɡel ya teŋe berekese, dɛ́ wɔɔra a won do kpeɡri kohona.” Ba ta bwea dɔe bela dɛ́ ma deene, a waa ba kpɔ berekese dɛ nyin kwaa aa won kwaa mara kɛ kootal dɛ kpɔ ma deene la.

Mumpar 11:3 Iomraidhean Croise

Mumpar 11:4

Belaa ba yerɛ dɔŋa dɛ ŋɔ, “Amɔ hé ɡel ya pɛ nyoa, dɛ́ vɔrɔwe bwɛjen dɛ́ ma dejaŋ o ka tel nyundujaɡla, ásɛ a ɛ sɔn tɛ yaa ya bɛ lɔ peɡre harɛ nɔ ta.”

Mumpar 11:7

Korowii aa bera kaa nyundua la, o ŋɔ, “Amɔ hé ɡel ya tu kaa harɛ ta ásɛ dɛ ka beɡre ba wobol, ásɛ bane kapa bɛ ba dɔŋa wobol no kpa.”

Mumpar 14:10

Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor.

2 Samoɛl 12:31

asɛ dɛ lawɛ nɛra baa lɔ bwɛjen la ta, dɛ ɡel baa peɡri daa dɛɛ loɡɛ para ne kpanfɛre, dɛ ɡel baa teŋe berekese ɡe. Gɛɛ o ɛ Amɔn bwɛɛre la bwa ta, asɛ o ne o laa tena la bwa berɛ kaa Jerusalam.

Yela 64:5

Ba dɛ do dɔŋa ɡbemba ba wechɔɡa vɔrɔwa ta, dɛɛ baɡle bela baa kpɔ kwaa baa kpɔ haɡre bela la sɔh. Ba yon ŋɔ, “Nomɛlbwa aa yaa na.”

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Kaala 2:3

Waa baa na kɛ waa won sɔɔh la sie bɛlbwa kpa la, o nyin komɛl baa kpɔ kpɔɡa sɔɔh kɛŋɔ fufu ken, o ne o tɔ dɛ kpɔ kootal maa o habɔɔ ásɛ nee bɛ won jo o bini. Dɛ kpɔ bie la do o bini ka cheɡ kpɔɡjaŋa ane aa cheɡɛ Nael Moo nyoa.

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Wejereme 2:1

N ɛ n liire kɛŋɔ mɛɛ teŋɛ pɛlchɔɡa waa taa, dɛ́ kpɔ daah n te na, dɛ́ na ɡɛ silɛɛ aa doa. Kɛ a bwa ɡe ɛ wepuu.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Aesaya 65:3

Ba teŋɔ dɛɛ muɡli n baah, dɛ kpoo kwaa dɛɛ ɛ saraha voɡare ta, bodɛɛɡe baa du daa bini, dɛ fuh daawiile dɛɛ tɛa.

Aesaya 9:10

“Berekese dea la cholo, kɛ yaa sɛh bweaa dɛ́ berɛ kpɔ ma. Ba teŋni fiɡ daa aa pwɛra la ta, kɛ yaa kpɔ peleme daa aa kpeɡaa chiɡ a buɡe ta.”

Neehum 3:14

Hé dɔ nee cheɡ kohona, tɔe baa dɛ ba ba tɔ heyaa do la wa. Hé nyiŋi he dekpeɡa ta a do kpeɡri. Hé ɡbɛr teera dɛ́ saa a lawɛ, dɛ́ kpɔ he te dɛ́ teŋe berekese.

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Jems 4:13

Hé berɛ dɛɛ no. He banɔ la haa dɛ lii he nyuune bini dɛɛ ŋɔ, “Fini kɛɛ tɔpere nɔ tɔpesoo yaa la bwɛɛ nɔ bwɛsoo taa, dɛ́ ka di benanyoa dɛɛ di bona dɛ́ nyin kwa,”

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.