Mumpar 10:22 - mzwDBL

²² Sɛm bibaala waa lol ba laanee, Elam ne Assur ne Aafaksad ne Lud dɛ Aram.

Mumpar 10:22 Iomraidhean Croise

Mumpar 10:21

Sɛm waa ɛ Jafɛt dɔɔ la ɡe lolɛ bibaala. Hibru tena bwa naa Sɛm.

Mumpar 11:10

Kenii Sɛm naanar bwara waa do. Nee la fa aa sua bɔle harɛ nɔ ta bwa la, bene anɛ habɔɔ la, a taa Sɛm di bene lafa, asɛ dɛ lolɛ bibaa dɛ pa o sɔn Aafaksad.

Mumpar 9:26

Asɛ o berɛ ŋɔ, “Hé kpɛɛ Korowii Sɛm aa dɛ tomɔ, Keenan ɛɛ tomɛ Sɛmii.

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

Job Tɔn 1:17

O ɡe nyoa ta chiɡe, dɛ torome bɛl ɡe balɔ dɛ ba ŋɔ, “Kaldea tena baa kpoŋe dɔmkwaa dɛɛ ŋwɛ bɔne ba bini nɛmbele batoro, dɛ ba lɔ jo ya bini, dɛ lawɛ he nyoɡmare la bwa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 25:25

ne Simri ne Elam dɛ Midia koranar bwa,

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Nɛra Kura 23:7

Balam bol waa Korowii aa bola la dɛ ŋɔ, “Kooro Balak kaa kpɔ mɛ le Siiria harɛ ta, Moab harɛ ta wee leebɔr bwejena bɔr. Dɛ ŋɔ n ba tomɛ Israel tena toma tɛo, ba chɔɡ Israel tena tɛ mɛ.

Nɛra Kura 24:22

Kɛ ane a bwa, baa pɔ he nɛɛ, ásɛ Asiiria tena lawɛ heyaa laa ta kaa.”

Amanesoma Luk Aa Chwera Tɔn 3:36

Seela ɡe mɛɛɛ Keinan, Keinan ɡe mɛɛɛ Aafaksad, Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa. Nowa ɡe mɛɛɛ Lamɛk,

We-ɛɛla 2:9

Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia,