Mumpar 10:10 - mzwDBL

¹⁰ Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Mumpar 10:10 Iomraidhean Croise

Mumpar 10:9

Dɛ o ɛ kpaah o bambile aa kpeɡa Korowii sie, a waa ba yon ŋɔ, “Kpaah waa dɔ bambikpeɡ Korowii sie kɛ Nimrod la.”

Mumpar 11:2

Ba iro dɛ ɡaaɡe wee leebɔr dɛ ka le Babelɔn tena deŋɡarere harɛ waa chɔa kaa ta, dɛ ka so bela.

Mumpar 11:9

Gɛɛ a ɛ baa yerɛ bwɛjen la Babelɔn, o munii kɛŋɔ kooraŋkoora, dɛkalkɛŋɔ belaa Korowii ka koɡre nɛra wobol asɛ bɛlbwa dɔ o wobol korɛ, asɛ dɛ lɔ ba peɡre harɛ nɔ ta bobɛlbwa.

Mumpar 14:1

A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Aesaya 10:9

Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 39:1

A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”

Jeremia 50:1

Korowii cheɡɛ men o keame Jeremia nɛɛ dɛ bol Babelɔn harɛ ne nɛra baa lɔ o ta waa ŋɔ,

Jeremia 50:21

Hé ir dɛ́ yo Merataim ne Pɛkɔd tena. Hé ti ba, ásɛ dɛ kpoo ba, dɛ́ chɔɡ ba kwaraa. Hé ɛ ɡɛ maa do heyaa bwa. Men Korowiirii bola.

Ɛsekeɛl 27:23

Bwɛjena ane baa dɛ yera Haran, ne Kanɛ, ne Eden, ne Seeba, ne Assur dɛ Kelmad ne he di bona. Ba kpɔ laala ba charɛ kwaa he be.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Emɔs 6:2

Hé la bwɛjen Kalne ka na, dɛ́ le bela la bwɛjen Hamat, dɛ́ berɛ kaa Filisti tena bwɛjen Gat. Ba ɡwaa he harɛre anɛ nɔ naa? Ba harɛ la kan ɡwaa he kon aa?

Maeka 4:10

Jerusalam tena, hé ɡbaɡre dɛ́ɛ pɛmɛ kohona, kɛŋɔ haah loltea aa lɔɔ. A chɛ kɛ he le bwɛjen nɔ ta, dɛ́ ka so kpɔɡ bini. A chɛ kɛ he dɔma lawɛ heya kaa bojaŋ harɛ Babelɔn, ásɛ mɔɔ Korowii ba lɛ heyaa le ba nɔn ta.

Maeka 5:6

Nomonome la ɛɛ ka yo Asiiria tena baa ɛ Nimrod harɛ ta tena laalee, dɛ́ pɔ ba nɛ. Baa lɛ yaa le Asiiria laa tena nɔn taa awola baa ba che ya nɛɛ dɛ́ valɛ kaa ya harɛ jwɛhre ta la.

Sekaria 5:11

O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”