Mumpar 1:27 - mzwDBL

²⁷ Anomanta, o ta nɛwɛnyina, ɡɛ tenten waa doa laanee o ta ba. Baa ne haahnee o ta.

Mumpar 1:27 Iomraidhean Croise

Mumpar 2:18

Asɛ Korowii ŋɔ, “Aa were kɛŋɔ baa la ɡbo so. Mɛɛ kwaa o dɔŋee ja o nɛ, ásɛ wɛɛ chao.”

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Mumpar 9:6

Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

Yela 139:14

N dɛ kpɛɛre, he we-ɛɛla haa cheɡɛ a ta dɛ ta mɛ la bwa ɔma, dɛ dɔ nyokpoa kohona. N jemɛ a bwa kɛrɛdɛ ken.

Wejereme 7:29

Waa aa teŋa nɔɔ n hweli le a ta, Korowii fe ta nɛwɛnyina bwa ba waa toɡre, kɛ ba berɔ kpɔ ŋwɛnɛfale ta dɛ chɔɡ ba te.”

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Jeremia 29:6

Hé mo haahna dɛ́ loɡle bibaala ne bihaahna, dɛ́ nyin haahna tɛ he bibaala ɡe, ásɛ dɛ kpɔ he bihaahna ɡe tɛ yal, ɡɛ aa ɛ ásɛ ba ɡe dɔ bibaala ne bihaahna. Hé ɡel he mun ya kohona bela, dɛ bɛ mule.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

Matiu 19:4

Anee Yeesu chaŋ ba ŋɔ, “He ta Korowii Tɔn la kure no kɛɛ? Korowii waa ta kwaa bwa la, waa dɛ ba nɛwɛnyini tae la, baa ne haahnee o ta,

Amanesoma Mak Aa Chwera Tɔn 10:6

Gɛ laa a fa do wubwa. Korowii aa ta kwaa bwa mumpar la, ‘Baa ne haahnee o ta.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 4:24

O tɛ heyaa dafale bɛl soo siwi waa kwaara, o do kɛ o tenten la ásɛ he won ɛ nɛndɛɛɡa tenten, he waa bwa do kɛrɛdɛ o be. Anomanta, hé kpɔ dafale la.

Mmarare 4:32

Hé ta sie nyiŋi waa aa bala mɔɔ ba lolɛ heyaa la. Dɛ́ berɛ le ɡɛ saŋ Korowii aa ta nɛn ba harɛ nɔ ta la na. Hé ta sie nyiŋi harɛ nɔ bwa ta, waane aa do kan ɡwaa anɔ dɔŋ chiɡo kɛɛ he no a dɔŋa kaa?

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Kolosi 1:26

Korowii waa la fa sɔɔh saŋ la bwa, nɛra ta a mun jemɛ. Kɛ taraken te, o pili a bwa bini dɛ tɛ o nɛra ba wa aa toɡra,

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

Sitɔɔla 21:22

Ba mɛɛnanar kɛɛ ba dɔɔranar ba dɛ bol ba waa ya be naa, ya ŋɔ ba be ŋɔ, ‘Hé takapɔ dɛ́ cha yaa, dɛkalkɛŋɔ ya ta haahna dɔe tɛɛ ba laa la nomanta. He kon som haa wola he bihaahna kpɔe tɛɛ ba la. Nyotaahna aa he nɛɛ ba.’ ”