Mumpar 1:26 - mzwDBL

²⁶ Belaa Korowii ŋɔ, <>

Mumpar 1:26 Iomraidhean Croise

Mumpar 11:7

Korowii aa bera kaa nyundua la, o ŋɔ, “Amɔ hé ɡel ya tu kaa harɛ ta ásɛ dɛ ka beɡre ba wobol, ásɛ bane kapa bɛ ba dɔŋa wobol no kpa.”

Mumpar 2:19

Ate, o kpɔ teera dɛ ma ola ne jumbii. Asɛ dɛ kpɔ a bwa ba baa la be dɛ ŋɔ ó paa sɔna. Gɛ waa yerɛ kon la bɛlbwa la, o sɔnee.

Mumpar 3:22

Belaa Korowii lii kɛŋɔ, “Name baa la jemɛ wedɛɛɡa ne wechɔɡa kɛŋɔ yan. Yá nyiŋi kɛrɛdɛ o bɛ daa waa dɛ tɛ mkpa la te nɔn ba tor di dɛ́ do le saŋ bɛlbwa.”

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

Mumpar 9:6

Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

Job Tɔn 35:10

Kɛ bɛlbwa aa bol ŋɔ, ‘Leperaa Korowii waa ta mɛ la dɔɔ? Onee dɛɛ larawe nɛn bwara o wenaale ta jwaana.

Job Tɔn 39:11

O bokpeɡa kohona nomanta, hɛɛ kpɔ he tenee dawɛ o nɛ aa? Hɛɛ ɡel he tomkpeɡaa ta o nɛ aa?

Job Tɔn 5:23

Koo haa parɛ la, bwea aa o taa do, kpɔɡ bini olchɔɡa aa hen ɡbaa bwa.

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Wejereme 7:29

Waa aa teŋa nɔɔ n hweli le a ta, Korowii fe ta nɛwɛnyina bwa ba waa toɡre, kɛ ba berɔ kpɔ ŋwɛnɛfale ta dɛ chɔɡ ba te.”

Yelsom 1:11

Yaa ɛ suuɡaswɛm deŋna kwaa tɛɛ, dɛ́ kpɔ suuɡapoŋ kwaa o bwara.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 5:17

Anee Yeesu chaŋ ba ŋɔ, “N Mɛɛ te dɛ ɛ o toma saŋ te bɛlbwa, anomanta, ɡɛɛ chɛ kɛŋɔ n ɡe ɛɛ ɛ.”

We-ɛɛla 17:20

Ya ta he waa nɔ te dɔŋa noɛ bwa, anomanta, ya dɛ nyin kɛ he baɡle yaa a mun.”

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

1 Kɔrent 11:7

Aa were kɛŋɔ baa ɡe kpɔ kon bɔle o nyu, dɛkalkɛŋɔ o do ɡɛ Korowii aa doa, dɛɛ baɡle Korowii jirima. Kɛ haah te dɛ baɡle baa jirima.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Ɛfesos 4:24

O tɛ heyaa dafale bɛl soo siwi waa kwaara, o do kɛ o tenten la ásɛ he won ɛ nɛndɛɛɡa tenten, he waa bwa do kɛrɛdɛ o be. Anomanta, hé kpɔ dafale la.

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

Jems 3:7

Kpɔɡ bini ola ne olchɔɡa ne jumbii ne kwaa aa dɛ huuh, dɛ mpo bini pɛŋa bwa, nɛn won a dɛɛra á do pwɛre.

Jems 3:9

O nee yaa jam Korowii waa ɛ ya Naa ne ya Mɛɛ la, dɛ berɛ kpɔ o tenten dɛɛ taah ya dɔŋa Korowii aa ta ba kɛŋɔ o tenten la.

1 Jɔn 5:7

Kombele atoroo di danseɛ dɛɛ tɛ Yeesu.