Amanesoma Mak Aa Chwera Tɔn 8:2 - mzwDBL

² “Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di.

Amanesoma Mak Aa Chwera Tɔn 8:2 Iomraidhean Croise

1 Koranar 19:6

Elaeja iro nyiŋi dɛ na paanoo ne loŋ bɛl ne nee o nyu bɔr, dɛ kpɔ di dɛ nyɔ nee la, dɛ berɛ kwaa chɔ ja.

Yela 103:13

Gɛ mɛɛ yon dɔ tedoma o bii nɛɛ la, ɡɛɛ Korowii tea ɛɛ domɔ nɛra baa dɛ ɔmɔ nɛ,

Yela 145:15

Kwaa haa taa bwa sie dawɛ he nɛ, hɛɛ tɛa kondikwaa saŋ aa chɛa ta.

Yela 145:8

N Naa Korowii, he dɛ nyin yaa dɛ dɔ tedoma, he baah aa di warawara, he nyina aa wola jaɡa dɔe ɡe do kan.

Maeka 7:19

Hɛɛ berɔɔ dɔ tedoma ya nɛ, dɛ́ kpɔ naa tire ya wechɔɡa ta, dɛ́ kpɔa ka ta mpo vile ta.

Matiu 14:14

Yeesu aa le ɡbera la bini, dɛ nɛnlaa tenten lɔ bela. Ba waa domɛ o tea, asɛ o chah ba bini weela tena.

Matiu 20:34

Yeesu dɔ tedoma tɛɛ ba, dɛ kpɔ o nɔn leɡe ba sibie. Buɡ la ta, dɛ ba sie pilo ba won dɛɛ na, dɛ teŋɛ Yeesu nɛ.

Matiu 9:36

Waa na nɛnlaa la ɡɛ la, o dɔ tedoma tɛɛ ba, dɛkalkɛ ba ɛ nɛra ba bwara aa dɛ nyɛɡ baa wola Lɛɛ dɔe kɛ peera aa wola teɡre dɔe ken.

Amanesoma Mak Aa Chwera Tɔn 1:41

O waa do Yeesu sum, o tɛr o nɔn leɡo dɛ ŋɔ, “N sɛoh. N ɡelɔ he bwara kwaa.”

Amanesoma Mak Aa Chwera Tɔn 5:19

Asɛ Yeesu vɛh dɛ ŋɔ o be ŋɔ, “Kaa dem he nɛra be, dɛ́ ka bol wejena Korowii aa ɛa tɛɛ, ne he sum waa naa la chaɡ ba.”

Amanesoma Mak Aa Chwera Tɔn 6:32

Anomanta, Yeesu ne o habɔteŋra la ɡbo jo ɡbera bini dɛɛ kaa bela nomɛlbwa aa wola toole.

Amanesoma Mak Aa Chwera Tɔn 6:34

Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Amanesoma Mak Aa Chwera Tɔn 8:3

Dɛ n ɡel ba ɡɛ ba kpɔ lɔr kaa laa, baa ɡwɛɡre ŋwɛnɛ taa. Bane ɡe le bojaŋa.”

Amanesoma Mak Aa Chwera Tɔn 9:22

Kwaa la ir o nɛɛ aa, dɛ a dɛ nyin o kpoe. Tɔpebɛla a taɡɔ dɛɛ ta nii ta, tɔpebɛla ɡe a taɡɔ dɛɛ ta nee ta. Dɛ hɛɛ wonoo chaoh waa, na ya sum dɛ́ chaoh tɛ yaa.”

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

Amanesoma Luk Aa Chwera Tɔn 7:13

Yeesu aa na luhaah la, o waa do o sum, asɛ o ŋɔ o be ŋɔ, “Dɛɛ berɛ wii.”

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.