Amanesoma Mak Aa Chwera Tɔn 7:2 - mzwDBL

² Farisii tena la ne ba dɔŋa Juu tena la bwa ta ba nɔɔra samɛ ŋwɛnɛ saŋ la tena la aa baɡla la ta naa, baa kwaa di, dɛkalkɛŋɔ ba kii.

Amanesoma Mak Aa Chwera Tɔn 7:2 Iomraidhean Croise

Matiu 15:2

“Ɛrɛ waa he habɔteŋra nɔ ɛɛ jo ya kii nɛɛ nɔɔ? Sama ya naawa aa baɡle yaa ŋɔ yá samɛ nɔɔra mɔɔ dɛɛ di kwaa la, baa ɡɛ ɛ!”

Amanesoma Mak Aa Chwera Tɔn 7:5

Ba bɔɔ Yeesu ŋɔ, “Ɛrɛ waa he habɔteŋra nɔ ɛɛ jo ya kii nɛɛ baa wola sarama ya naawa aa baɡle yaa ŋɔ yá sarame ya nɔɔra mɔɔ dɛɛ di kwaa nɔɔ?”

Amanesoma Luk Aa Chwera Tɔn 11:38

A ɛ Farisii te la nyokpoa kɛ waa dɛ ba kwaa dii la, o ta nɔɔra samɛ ɡɛ ba nawee wa aa dɛ baɡle la.

We-ɛɛla 10:28

asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ.

We-ɛɛla 11:8

Belaa n ŋɔ, ‘Aa maɡre, n Dɔɔ! N ta a ɡɛ koŋkiila nɔ dii bwa. A ɛ doŋa tɛ mɛ kɛrɛdɛ.’

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.