Amanesoma Mak Aa Chwera Tɔn 2:1 - mzwDBL

¹ Tɔpere bɛl habɔɔ la, Yeesu berɔ la Kapeeneɔm. Belaa o waa perɛ bwɛɛ la ta kɛ o lɔ dem.

Amanesoma Mak Aa Chwera Tɔn 2:1 Iomraidhean Croise

Matiu 4:13

O la Nasarɛt, kɛ o ta bela soɡe, dɛ berɛ ka so bwɛɛ bɛl waa lɔ Galilia Moo la nyoa, dɛ do Sebulon ne Naftale harɛ ta baa yerɔ Kapeeneɔm la ta.

Matiu 9:1

Yeesu jo ɡbera ta dɛ ɡale moo la kaa o ɡbaɡba bwɛɛ ta.

Amanesoma Mak Aa Chwera Tɔn 1:45

Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.

Amanesoma Mak Aa Chwera Tɔn 2:2

Anomanta, nɛra cheme dem bela kɛrɛdɛ, dɛ bɔr toole doonyoa kwaraa, asɛ Yeesu bol waa baɡ ba.

Amanesoma Mak Aa Chwera Tɔn 3:20

Yeesu aa kaa dem la, nɛnlaa baa cheme o nɛɛ ja, o ne o habɔteŋra la ta bɔr dɔe dɛ́ di kwaa kwara.

Amanesoma Mak Aa Chwera Tɔn 7:17

Yeesu ɡel nɛnlaa la bela dɛ ba dem, anee o habɔteŋra la bɔɔro sɛɡla la mun.

Amanesoma Mak Aa Chwera Tɔn 7:24

Yeesu berɔ ir le bela kaa bwɛjen Taaya pera, dɛ ka jo dem bɛl ta, dɛ́ fee so bela tama ásɛ nomɛlbwa bɛ jemɛ, kɛ o ta wone sɔh.

Amanesoma Mak Aa Chwera Tɔn 9:28

Yeesu aa ba dem a ka o ne o habɔteŋra la ɡbo la, ba bɔɔro ŋɔ, “Ɛrɛ waa ya te aa wola wone kɔr kwaa la a le nɔɔ?”

Amanesoma Luk Aa Chwera Tɔn 4:23

Anee Yeesu ŋɔ ba be ŋɔ, “N jemɔ kɛŋɔ hɛɛ sɛɡ mɛɛ ŋɔ, ‘Tɛɛɡa te, chah he te. Gɛ yaa noa kɛ he ɛ Kapeeneɔm la, ɛ ane he ɡbaɡba bwɛɛ bonɔ ɡe.’ ”

Amanesoma Luk Aa Chwera Tɔn 5:18

Belaa baala bane che baa bɛl waa kuuɡa ne o kalaŋ ba, asɛ dɛ fe ɛɛ nyin bɔr dɛ́ kpɔɔ jo dem bela Yeesu aa lole la dɛ́ kpɔɔ ka bil o sie.

Amanesoma Jɔn Aa Chwera Tɔn 4:47

Nomoa la aa noa kɛŋɔ Yeesu le Juda harɛ ba Galilia harɛ la, o ba o be dɛ ba soŋo ŋɔ ó la Kapeeneɔm dɛ ka chah o bie waa dɛ ba sewa la.

We-ɛɛla 2:6

Baa no ɡbɔɡa la la, ba bwa baa cheme bela, asɛ a ɛɛ ba anebɛlbwa kɛŋɔ nɛra la aa dɛ bol waa ba bɛlbwa bwɛɛ wobol ta la.