Amanesoma Mak Aa Chwera Tɔn 10:2 - mzwDBL

² Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”

Amanesoma Mak Aa Chwera Tɔn 10:2 Iomraidhean Croise

Malakae 2:16

Koranar Bwa Kooro, Israel tena aa dɛ tomɔ la ŋɔ, “N kii kɛ baa ne o haah vɛh dɔŋa. N kii baa bɛlbwa waa ɛ nyubinikpeɡ waa nɔ dɔŋa o haah nɛ. Anomanta, bɛlbwa nyiŋi o te kɛrɛdɛ, ásɛ dɛ bɛ nyobaɡa aa lɔ o ne o haah baah la chɔɡ dɛɛ di kasinteŋ. Men Nemenɛ Korowiirii bola.”

Matiu 15:12

Anee o habɔteŋra la ba o be dɛ ba ŋɔ, “He jemɔ kɛŋɔ he waa nɔ haa bola nɔ jo Farisii tena nɔ bini kenɛ?”

Matiu 16:1

Farisii tena bane ne Saduki tena bane ba Yeesu be dɛ ba daahno na dɛɛ nyin ó ɛ nyokpowaane bá na ásɛ dɛ won jemɛ kɛ Korowii bee o le kpela.

Matiu 19:3

Asɛ Farisii tena bane ba bela dɛ ba kpɔ webɔɔra dɛɛ haɡro bela dɛ́ fe dɔɔ lawɛ. Ba bɔɔro ŋɔ, “Mmara dɛ tɛ yaa ŋwɛnɛ kɛŋɔ baa won che wobɛlbwa ta vɛh o haah naa?”

Matiu 22:35

asɛ ba bini Tɔnjereme bɛl pɛɛ Yeesu waane, dɛ́ kpɔ harɔ bel.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 9:34

Anee Farisii tena la te ŋɔ, “Kwaa aa dɛ ir nɛra nɛɛ bwa kooroo tɛo kpeɡri o won kwaa doŋa nɛra nɛɛ la.”

Amanesoma Mak Aa Chwera Tɔn 10:1

Asɛ Yeesu le bela dɛ la Juda harɛ ta, dɛ ka le Jɔɔdan Moo la baŋ. Nɛndamanta wur dɛ ba tɔ o nɛɛ ja, asɛ o baɡ ba waa ɡɛ o yon dɛɛ ɛ la.

Amanesoma Mak Aa Chwera Tɔn 10:3

Anee o ɡe berɛ bɔɔ ba ŋɔ, “Ɛrɛɛ Mosis Mmara baɡle heyaa laɔ?”

Amanesoma Mak Aa Chwera Tɔn 8:11

Belaa Farisii tena bane ba Yeesu be dɛ ba tɔŋlo dɛ daahno na dɛɛ nyin o ɛ nyokpowaane bá na dɛ́ jemɛ o waa kɛŋɔ o le Korowii be kpela.

Amanesoma Mak Aa Chwera Tɔn 8:15

Yeesu ŋɔ ba be ŋɔ, “Hé nyiŋi he te kɛrɛdɛ Farisii tena ne Hɛrɔd iisi wa.”

Amanesoma Luk Aa Chwera Tɔn 11:39

Asɛ Yeesu ŋɔ o be ŋɔ, “He Farisii tena do kɛŋɔ baa loo numoli ne hɛne bwara dɛ ɡel a bini la. Nɛra sie ta waa ɡboo hɛɛ ɛ, kɛ he bambile bini te, wechɔɡa ne kwaa ta sibeɡra ɡboo he bwa.

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Luk Aa Chwera Tɔn 5:30

Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”

Amanesoma Luk Aa Chwera Tɔn 6:7

Dɛ Tɔnjerema ne Farisii tena lole dɛɛ nyiŋi Yeesu kɛ wɛɛ chah baa laanee Ona Tɔpere la ta, ásɛ ba dɔ o waa dɛ́ bol.

Amanesoma Luk Aa Chwera Tɔn 7:30

Kɛ ba nomonome ne Farisii tena la ne Tɔnjerema la te vɛh Korowii waa aa wera tɛɛ ba la. Dɛ ba te fa ta ɡelɛ Jɔn sɔ ba Korowii ne.

Amanesoma Jɔn Aa Chwera Tɔn 11:47

Anomanta, Sɔfonomonome ne Farisii tena kaa cheme ba Juu tena nomonome baa dɛ nyiŋi ba waa bini la, dɛ ŋɔ, “Aah, ɛrɛɛ yaa ba ɛɛ taraken ɔ? Na nyokpowe-ɛɛla nɔ bwa dɔŋa baa nɔ aa dɛ ɛ.

Amanesoma Jɔn Aa Chwera Tɔn 11:57

Dɛ Sɔfonomonome la ne Farisii tena la te dɔɔ bol ŋɔ, dɛ nomɛlbwa jemɛ bela waa lole naa, ó baɡ ba ásɛ ba ka lawɔ.

Amanesoma Jɔn Aa Chwera Tɔn 7:32

Farisii tena la aa noa kɛŋɔ nɛnlaa la dɛ ŋwalɛ Yeesu waa dɔŋa be la, ba ne Sɔfonomonome la tomɛ nɛra baa dɛ daah Korowii Dea la ŋɔ bá ka lawɔ.

Amanesoma Jɔn Aa Chwera Tɔn 7:48

He na ya nomonome nɔ bini bɛl kɛŋɔ waa dɛ yaradao wa aa? Kɛɛ he na Farisii tena la bɛl kɛ waa dɛ yaradao?

Amanesoma Jɔn Aa Chwera Tɔn 8:6

Ba pɛɛro ɡɛ waa nɔ dɛ́ kpɔ daahno na kɛŋɔ wɛɛ bol waanee ásɛ ba fee dɔ o nyoa lawɛ. Belaa Yeesu joŋi asɛ dɛ kpɔ o nonii dɛɛ chwerɛ harɛ.

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.