Amanesoma Mak Aa Chwera Tɔn 1:5 - mzwDBL

⁵ Belaa nɛra baa le Juda harɛ, ne Jerusalam tena bwa le kaa Jɔn be ka no o waa la, dɛ bol ba wechɔɡa dɛɛ baɡlo, asɛ o sɔ ba Korowii nee Jɔɔdan Moo ta.

Amanesoma Mak Aa Chwera Tɔn 1:5 Iomraidhean Croise

Yela 32:5

Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Matiu 4:25

Dɛ nɛnlaa tenten le Galilia harɛ ne bwɛɛre fi baa dɛ yera Dekapɔles la, ne Jerusalam, ne Juda harɛ, ne Jɔɔdan Moo baŋ bwɛɛre bwa ta, dɛ kpɔ teŋɛ Yeesu nɛ.

Amanesoma Mak Aa Chwera Tɔn 1:4

Gɛɛ a do Jɔn ir dɛ ba pua hɛŋle ɡbo harɛ la ta, dɛ ba bol Korowii Waa dɛɛ baɡle nɛra, dɛɛ ŋɔ bá charɛ ba liire dɛ́ le ba wechɔɡa ta, ásɛ Korowii kpɔ ba wechɔɡa kɛ ba, ásɛ o ɡe sɔ ba Korowii ne.

Amanesoma Mak Aa Chwera Tɔn 1:6

Jɔn nɔ yal waa tɔɔ la, nyoɡma pona nee ba sɔɔh, ol tɔn ɡee ɛ o kiriso. Dɛ tontombɛ ne toohnee ɛ o kondikwa.

Amanesoma Jɔn Aa Chwera Tɔn 1:28

Bwɛɛ baa dɛ yerɔ Bɛtani o do Jɔɔdan Moo la wee leebɔr pera la, belaa a ɡɛ waa nɔ chiɡ. Dɛ belaa Jɔn ɛɛ sɔ nɛra Korowii ne.

Amanesoma Jɔn Aa Chwera Tɔn 3:23

Dɛ Jɔn ɡe dɛ sɔ nɛra Korowii nee bwɛɛ bɛl baa dɛ yerɔ Aenɔn o ne Salim aa wola jaŋɛ la ta. Dɛ nee lɔ Aenɔn taeh, asɛ nɛra ɛɛ ba Jɔn be wɛɛ sɔ ba Korowii ne.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

We-ɛɛla 19:18

Name nɛra baa yaradaa la kɛrɛdɛ le bombaah dɛɛ bol wechɔɡa baa ɛa, dɛɛ sɛh ba chɔɡre.

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”