Mmarare 9:9 - mzwDBL

⁹ Gɛ saŋ maa la bwejen la ta dɛ ka lɛ bwepɛle Korowii aa chwerɛ fɔo he ne waa fɔwa dawɛ a ta la, n soɡe bela webaŋa ne jwaana ɡɛ tɔpera fifraanaarɛ. N ta kwaa dii, n ta nee ɡe nyɔe.

Mmarare 9:9 Iomraidhean Croise

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

2 Koranar 6:22

Elaesa ŋɔ, “Akai, he yo nɛra laa dɛ laɡ ba aa, he dɛ kpoo ba aa? Tɛɛ ba kondikwaa ne nee bá nyɔ, dɛ́ berɛ tɛɛ ba ŋwɛnɛ ba kaa ba dɔɔ be.”

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Kaala 24:15

Mosis aa dɛ teeh Sinai Bwejen la, bam baa bɔle o bwa,

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Kaala 34:28

Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Matiu 4:2

Dɛ Yeesu vɔwɛ nyoa tɔpebire fifraanaarɛ. Dɛ lɔr dɛ kpoo.

Galaasia 4:24

Yaa kpɔ haahna banɛ nɔɔ maɡɛ Korowii ne nɛwɛnyini nyopɛo dɔe fɔo bele anɛ la. Ba bɛlbwa cheɡɔ tɛ fɔo la beŋkpoŋ. Heeɡa waa ɛ Abraham yomhaah la cheɡɔ tɛ fɔo la nɛwɛnyini ne Korowii aa fɔwa Sinai Bwejen ta bela Korowii aa kpɔ o Mmara la tɛ Mosis la. A ɡɛ fɔo la tenaa ɛ yoma la.

Mmarare 8:3

O ɡelɔ lɔr kpo heyaa he pwɛr he te, asɛ o tɛ heyaa kondikwaa ane baa dɛ yera maana la he di, kondikwaa he ne he naawa aa wola an jemɛ bwa. O ɛ ɡɛ dɛ ɡel he jemɛ kɛŋɔ kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.

Mmarare 9:11

Tɔpera fifraanaarɛ webaŋa ne jwaana la aa tela la taa Korowii kpɔ bwepɛle anɛ waa chwerɛ fɔo la dawɛ a ta la tɛ mɛ.

Mmarare 9:15

Anee men Mosis laa berɛ dɛ tu, dɛ kpoŋe bwepɛle anɛ la fɔo la aa lɔ a ta la, dɛ nii la ta dɛ lawɛ bwejen la ta.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.