Mmarare 9:5 - mzwDBL

⁵ A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Mmarare 9:5 Iomraidhean Croise

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

Mumpar 15:7

O ŋɔ o be ja ŋɔ, “Menee Korowii, menee kpɔe le Ur waa lɔ Babelɔn harɛ ta, dɛ ba kpɔ harɛ nɔ tɛɛ o ɛ he ɡbabir kon saŋ bɛlbwa dɛɛ la.”

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Kaala 32:13

Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”

Ɛsekeɛl 20:14

Kɛ maa dɛ nyin n sɔndɛɛɡe nomanta, n ɡelɔ ásɛ harɛre ta nɛra baa lɔ bela dɛ na kɛŋɔ, n laɡ ba le Ijipt harɛ ta la bɛ n sɔnchɔɡe yerɛ.

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Ɛsekeɛl 36:32

Israel tena, n dɛ nyin he jemɛ kɛŋɔ he waa laa mɛɛ ba ɡɛ waa nɔ ɛɛ. N dɛ nyin kɛ sihiih kpo heyaa we-ɛɛla haa dɛ ɛ la wa!’ ”

Lewi Dea Tena 18:24

He bɛ he te kpɔ do ɡɛ waa nɔ bɛlbwa ta dɛ́ kah doŋa. Gɛɛ nɛra baa soɡe harɛ maa dɛ ba kpɔe tɛ heyaa nɔ ta ɛ, asɛ dɛ kah doŋa mɛɛ ba ba doŋa le o ta la.

Lewi Dea Tena 18:25

Ba we-ɛɛla chɔɡ harɛ la ɡba o doŋ dɛ ba deŋnetɛra ne o ta asɛ o lee ba tɛ.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

We-ɛɛla 3:25

Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’

Tɔn Pɔɔl Aa Chwerɛ Rom Tena 11:28

Israel tena aa vɛh Yeesu Amanesoma la nomanta, ba berɛ Korowii dɔma, asɛ a le wedɛɛɡa tɛ heya. Kɛ baa ɛ nɛra Korowii aa chal ba la nomanta, o ta dɛ nyin ba taeh. Nyoa waa baɡɛ ba naawa la, a waa o taa nyin ba la.

Tɔn Pɔɔl Aa Chwerɛ Rom Tena 15:8

dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 18:12

Korowii kii nɛn waa dɛ ɛ ɡɛ wedoŋa nɔ, a ɡɛ kii we-ɛɛla nɔ waa Korowii haa dɛ tomɔ nɔ tɔ he sie, dɛ doŋi ɡɛ harɛre nɛra baa dɛ ɛa dɛ do he sie la.

Mmarare 18:9

Mosis berɔ ŋɔ, “Dɛ he tel harɛ Korowii haa dɛ tomɔ aa kpɔa dɛɛ tɛ heyaa la ta naa, he bɛ nɛra baa lɔ bela la ba chaa, dɛ́ hweli ba wedoŋa ŋwɛnɛre la. Korowii kia taeh.

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.