Mmarare 9:4 - mzwDBL

⁴ Korowii haa dɛ tomɔ nɔ baa tɔ he sie dɛ doŋ ba le aa, a habɔɔ la he bɛ ba ŋɔ, ‘Ya nɛndɛɛɡa ɛɛ waa Korowii kpɔ harɛ nɔ tɛ yaa.’ Akai, ɡɛ nɛra nɔ nyubinikpeɡ waa Korowii ɛɛ ba sie tɔe dɛ́ doŋ ba le.

Mmarare 9:4 Iomraidhean Croise

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Ɛsekeɛl 36:32

Israel tena, n dɛ nyin he jemɛ kɛŋɔ he waa laa mɛɛ ba ɡɛ waa nɔ ɛɛ. N dɛ nyin kɛ sihiih kpo heyaa we-ɛɛla haa dɛ ɛ la wa!’ ”

Lewi Dea Tena 18:3

He bɛ ɛ kɛŋɔ Ijipt tena he fa aa soɡe ba bini la, ne Keenan tena maa dɛ kaa he ne ba bini nɔ. He bɛ ba we-ɛɛla la kpɔ.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Mmarare 8:17

Anomanta, he bɛ ba lii kɛŋɔ he ɡbaɡba kpeɡri ne he bokpeɡa taa a che he dɔ kwa.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.