Mmarare 9:2 - mzwDBL

² Ba ɛ nɛra bane baa do kpeɡri dɛ kpeɡ kohona baa yer ba Anak tena la. He ɡbabir jemɔ dɛ no ɡɛ ba yon ŋɔ, ‘Nomɛlbwa toole dɛ́ won che Anak tena sie la.’

Mmarare 9:2 Iomraidhean Croise

Job Tɔn 11:10

O lawɛ ŋɔ ba bol he waa dɛ́ doe dea aa, umee dɛ́ won tɔɔ ŋwɛnɛ ɔ?

Kaala 9:11

Anɔ te la, dobodobo tena la ta wone ba che Mosis sie kpa, dɛkalkɛ dɛ ɔɡra la ɔɡre ba ne ba bwɛɛ la tena bwa.

Daneɛl 11:16

Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.

Daneɛl 8:4

N na pebal la kɛŋɔ waa chuɡri ola le wee cholibɔr ne weekaŋle nyunduabɔr dɛ weekaŋle harɛbɔr. Ol bɛlbwa ta wone che o sie kɛɛ dɛ won sɔɔh o kpeɡri nyoa. O ɛ ɡɛ a too o tea dɛ dɔ kpeɡri taeh.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Nɛra Kura 13:28

Kɛ nɛra baa lɔ bela te kpeɡri, ba bwɛɛre la kan, ba ma danjwɛjena bara. Hale ya na Anak tena naanar bela.

Nɛra Kura 13:33

Ya na nɛra baa kpekpeɡa kohona dɛ ɛ Anak tena naanar bela. Yaa na ba la, dɛ ya jeɡre kɛŋɔ hɔɔhre ken ba siwi ta.”

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 2:21

Dɛ ɡɛ Refa tena nɔ warɔ ba bwara do kpeɡri, dɛ kpeɡ kohona kɛŋɔ Anak tena ken. Kɛ Korowii kpoo ba Amɔn tena bwa siwi ta, dɛ ɡel ba so ba buɡ ta.

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

Josua 11:21

A ɡɛ saŋ la ta la, Josua kaa kpoo Anak tena baa soɡe deŋɡarere ta, dɛ kpoŋe le bwɛjena ane baa dɛ yera Hɛbrɔn ne Debir dɛ Anab, dɛ deŋɡarere bwɛɛre aa lɔ Juda ne Israel harɛ ta. Gɛ nɛra nɔ kpeɡo taeh.

Josua 11:22

A ɡɛ Anak tena nɔ bɛlbwa ta Israel harɛ ta kae. Nemenɛ bwɛjena ane baa dɛ yera Gasa ne Gat dɛ Asdɔdee tamaa bane ka.

Josua 15:14

Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.