Mmarare 9:1 - mzwDBL

¹ Mosis berɔ ŋɔ, “Israel tena hɛ́ɛ no, fini hɛ́ɛ le Jɔɔdan Moo la baŋ harɛ taa dɛ́ ka doŋi harɛre nɛra baa kana dɛ do kpeɡri ɡwaa heya. Ba dɔ bwɛjena dɛ ma danjwɛkpeɡa a kaa nyundua bara.

Mmarare 9:1 Iomraidhean Croise

Mumpar 11:4

Belaa ba yerɛ dɔŋa dɛ ŋɔ, “Amɔ hé ɡel ya pɛ nyoa, dɛ́ vɔrɔwe bwɛjen dɛ́ ma dejaŋ o ka tel nyundujaɡla, ásɛ a ɛ sɔn tɛ yaa ya bɛ lɔ peɡre harɛ nɔ ta.”

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Daneɛl 4:11

Dɛ daa la dɛ kpeɡ dɛɛ do kan kohona, dɛ kpeɡ kaa leɡe nyundua. Nɛn cheɡɛ harɛ jaɡa bobɛlbwa naa, o dɛ nao.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Nɛra Kura 33:51

ó bol Israel tena la be ŋɔ, “He ɛɡɛ Jɔɔdan Moo la le dɛ jo Keenan harɛ ta naa,

Mmarare 1:28

Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 11:23

ate Korowii ɛɛ doŋi harɛre aa lɔ he sie la bwa nɛra baa wara dɛ do kpeɡri ɡwaa heyaa laanee ta, ásɛ he ka kpɔ ba harɛre la so.

Mmarare 11:31

He dɛ ba Jɔɔdan Moo la lee dɛ́ ka kpɔ harɛ Korowii aa kpɔa dɛɛ ba heyaa tɛɛ he so o ta la ta. He kaa kpɔ dɛ so o ta naa,

Mmarare 27:2

Dɛ he le Jɔɔdan Moo la baŋ harɛ Korowii aa kpɔa dɛɛ ba heya tɛɛ la ta naa, hé paaɡe bwea dɛ maala,

Mmarare 3:18

N ŋɔ ba be ɡɛ saŋ ŋɔ, ‘Korowii haa dɛ tomɔ laanee tɛ heyaa harɛ nɔ ŋɔ hé so o ta. Kɛ he laa tena la vɔwɛ ntoa dɛ́ le Jɔɔdan Moo baŋ, dɛ́ tɔ he bala Israel tena sie dɛ́ ka cha ba ba ɡe dɔ ba harɛ.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:38

O doŋi nɛra le ba harɛre ta, banɔ la baa kana dɛ do kpeɡri ɡwaa heya, dɛ kpɔ tɛ heyaa kɛŋɔ kapɛrɛ kwa, ɡɛ aa doa fini nɔ.

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Josua 1:11

“Hé valɛ Israel tena be bela bwa baa soɡa, dɛ́ ɡel ba no kɛŋɔ kerele ɡbosoo yaa le Jɔɔdan Moo baŋee, dɛ́ ka lɛ harɛ Korowii haa dɛ tomɔ la aa kpɔa dɛɛ tɛ heyaa ŋɔ he kpɔ la. Anomanta, he nyin kondikwaa cheɡ.”

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 14:12

Anomanta, n dɛ soŋe kɛ hé kpɔ deŋɡarere harɛ Korowii aa kpɔa baɡ mɛ nyoa awola tɔpere la tɛ mɛ fini. He ɡbabir noɔ kɛŋɔ Anak tena baa kpeɡa kohona lɔ harɛ la ta, asɛ ba bwɛjena do kan ba ma danjwɛkpeɡa bara. Kɛ dɛ Korowii cheɡɛ n mun ta naa, mɛɛ won doŋ ba le, ɡɛ waa bola la.”

Josua 3:14

Belaa a ba kɛ Israel tena la chuɡro le ba sobɔr bela dɛ ɡale Jɔɔdan Moo la, asɛ sɔfore la kpɔ Korowii Ne Nɛwɛnyina Fɔo Daka la che dɛ tɔ ba sie.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 3:6

Tɔ aa pera chɔɔ la, Josua ŋɔ sɔfore la be ŋɔ, “Hé kpɔ Korowii Ne Nɛwɛnyina Fɔo Daka la che, dɛ́ tɔ sie nɛra la teŋɛ.” Asɛ ba kpɔ che dɛ tɔ ba sie.

Josua 4:19

Korobie waa tɔ sie, o tɔpera fi taa ba le Jɔɔdan Moo la, dɛ ka baŋre ba tɛnte deene Gelɡal. O lɔ bwɛjen Jeriko harɛ jwɛh wee leebɔr.

Josua 4:5

dɛ ŋɔ ba be ŋɔ “Hé berɛ kaa Jɔɔdan Moo nenabɔɔ la baah ta bela sɔfore la aa cheɡɛ Korowii Ne Nɛwɛnyina Fɔo Daka la sie, ásɛ bɛlbwa ka kpɔ bwe beŋkpoŋ dawɛ o vam á che tɛ Israel deene fi dɛ anɛ la.