Mmarare 8:8 - mzwDBL

⁸ Mea ne daa aa dɔ nɔna baa dɛ dia kɛŋɔ ɡrepore, ne fiɡ daa ne daa bɛl nɔna baa dɛ yera pɔmeɡranet ne ɔleve no, dɛ tohno ɡboo harɛ la bwa.

Mmarare 8:8 Iomraidhean Croise

Mumpar 49:11

Daa baa kpɔ o nɔna dɛɛ ɛ sen la taa wɛɛ ba o keeɡo bie lawa vɔwɛ. A sen nee wɛɛ ba o laala chɛɡa.

2 Samoɛl 4:6

Asɛ ba jo kaa dea waa chɔ o bini la ta kɛŋɔ baa dɛ la ka nyin mea ken. Asɛ dɛ kpɔ kere tɔɡɛ o tea ta dɛ le chwa kaa.

1 Koranar 5:11

asɛ Kooro Solomɔn tɛ Hiram ne o koodem nɛra jaaɡe bɔɡtɔre kaɡboŋa lafa, dɛ ɔleve noo ɡalɔŋre kaɡboŋa lafa benanyoa bɛlbwa o ne o dem tena ɛɛ di.

2 Koranar 18:32

Ásɛ mɔɔ koojen la ba kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo. O ɛ harɛ ɔleve no ne tooh aa lɔ o ta kohona. Hé teŋɛ waa koojen la aa do heyaa a ta la tenaa, hɛɛ dɔ he nyuunee. He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa.

Yela 147:14

Onee tɛ heyaa deŋnesɔɔhna he harɛ jwɛhre ta, asɛ dɛ tɛ heyaa mea aa do wer.

Yela 81:16

Kɛ ane a bwa, mɛɛ tɛ heyaa mendɛɛɡa, ne tohdɛɛɡa he di dɛ vaɡɛ.”

Aesaya 7:23

Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 5:17

Baa di he kondikwaa bwaa, dɛ́ kpoo he bibaala ne bihaahna. Baa kpoo he peera ne naee, dɛ́ chɔɡ he ɡrepo ne fiɡ daa bwa. Baa chɔɡ he bwɛjena baa ma danjwɛkpeɡa bara, hɛɛ hwɛɡɛ a ta bwaa.”

Ɛsekeɛl 27:17

Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.

Hosia 2:22

ásɛ mea ne ɡrepo ne ɔleve do wer Jesreel Fɛlembɔjen bini.

Hosia 2:8

O ɡbabir ta liire kɛŋɔ menee tɛo kwaa kɛŋɔ mea, senfala ne ɔleve no, ne suuɡapoŋa dɛ suuɡaswɛm kohona, o kpɔ kaa tomɛ voɡ Baal la.

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Nɛra Kura 13:23

Nɛra waa tom ba la aa tel Ɛskɔl Fɛlembɔjen ta la, ba teŋe ɡrepo kpale o nɔna aa warɛ o ta. Ba bini banɛ kpɔɔ saɡɛ daa ta, dɛ cheo vaama ta. Ba tɔɔ daa bɛl nɔna aa do ɡuleɡule baa yera pɔmeɡranet ne fiɡ nɔna ɡe dɛ ja.

Amanesoma Jɔn Aa Chwera Tɔn 6:13

Asɛ ba tɔɔ paanoo anue la nɛnlaa la aa dia a ka la pɛ, asɛ a su wɛɡrɛre fi dɛ anɛ.

Amanesoma Jɔn Aa Chwera Tɔn 6:9

“Bibaa bɛl lɔ ya bini bonɔ dɛ dɔ paanoo anue ne pɛŋa anɛ. Aah ɛrɛɛ a ɡe ɛɛ ba wona ɛ nɛndamanta nɔɔ?”

Mmarare 32:13

O ɡelɔ ba won kpɔ bwea dor dɛ kaa, dɛ di kwaa baa dua harɛ la ta. Asɛ dɛ berɛ dɔ tooh bwea la baah di, dɛ ɡel ba ɔleve daa baa dua bwea harɛ la ta do wer.

Mmarare 32:14

Ba dɔ nae ne boohna elnee kohona, ba peera ne boohna ne nae do wer, dɛ dɔ Basan harɛ pebala aa wera tɛɛ ba la ane. Ba dɔ mendɛɛɡa ne sen baa dɛ nyin dɛɛ nyɔ.

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Mmarare 8:7

Korowii dɛ kaa he ne harɛpare ondɛɛɡe ta. Nenabɔɔne aa dɛ palɛ ɡboo o bwa. Neerare bulo dɛɛ le o ta, ɡɛɛ ane palɛ dɛɛ jo felembɔjena ta, ane ɡe palɛ dɛɛ kpɔ deŋɡarere dor.

Mmarare 8:9

Kondikwaa ne komɛlbwa ɡe aa heyaa nya bela. Ba dɔ bune dɛɛ le bela bwea la ta, asɛ a deŋɡarere ɡe taa baa kwi suuɡa te bɛlbwa.