Mmarare 8:18 - mzwDBL

¹⁸ Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

Mmarare 8:18 Iomraidhean Croise

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Hosia 2:8

O ɡbabir ta liire kɛŋɔ menee tɛo kwaa kɛŋɔ mea, senfala ne ɔleve no, ne suuɡapoŋa dɛ suuɡaswɛm kohona, o kpɔ kaa tomɛ voɡ Baal la.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Mmarare 7:12

Dɛ he no ɡɛ waa nɔ dɛ teŋɛ a ta kasinteŋ ne naa, Korowii haa dɛ tomɔ ɛɛ teŋɔɔ dɛ́ kpoŋe o fɔo la bini, dɛ́ɛ nyin he waa ɡɛ waa ŋwɛɛra baɡle he naawa la.

Yela 144:1

N dɛ kpɛɛ Korowii, onee do kɛ Bwetal, n chwa baa marɔ. Onee chaɡ mɛ n jemɛ laa yoi.

Mmarare 26:10

Anomanta, n kpɔ harɛ Korowii aa tɛ mɛ koo konloɡla ba.’ Ásɛ dɛ kpɔ wɛɡrɛ la ne kwaa la cheɡ Korowii haa dɛ tomɔ nɔ sie dɛ́ ɡuŋi o sie.

Sitɔɔla 7:2

Korowii ŋɔ Gedeɔn be ŋɔ, “He laa tena la warɔ ɡwaa ɡɛ maa dɛ nyin kɛ ń kpɔ Midian tena do ba nɔn ta bá pɔ ba nɛɛ la. Gɛ aa ɛ Israel tena bɛ ba lii kɛŋɔ ba ɡbaɡba kpeɡrii lɛɛ ba kɛ n ta wobɛlbwa ɛɛ la,

1 Samoɛl 2:7

Henee ɡela nɛra ɛɛ nya, dɛ́ berɛ ɛ bane kondɔɔhna, dɛ́ lɔ nɛra harɛ dɛ́ berɛ ɡɔɔ bane ɡe.

2 Webena 25:9

Anee Kooro Amasea bɔɔ Korowii keame la ŋɔ, “Ɛrɛɛ suuɡapoŋa a tɔɡre aa ɛ kilore kaɡboŋa atoro lafraanaarɛ maa bɔa tɛ Israel laa tena la waɔ?” Anee o ŋɔ, “Korowii ɛɛ won berɛ tɛɛ ane a ɡwaa ɡɛ.”

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Mumpar 32:14

O lawɛ bohneenanar lafraanɛ ne bombala fifraanɛ, peneenanar lafraanɛ dɛ pebala fifraanɛ,

Mmarare 6:11

ne deene kondɛɛɡa aa sua he laa nyina do, ne buli haa wola an kwii, ne daa kooni ne ɔleve kooni he laa dua, asɛ he di kwaa dɛ vaɡɛ aa,

Mmarare 8:1

Mosis berɔ ŋɔ, “Hé ɡel he sie chɔ harɛ hɛɛ teŋɛ Mmarare maa kpɔa tɛ heyaa fini nɔ ta kɛrɛdɛ. Ásɛ dɛ dɔ he nyu, hé mun ya dɛ́ won jo harɛ Korowii aa baɡɛ he naawa nyoa la ta dɛ́ kpɔ ɛ he kon.

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.

1 Webena 29:12

Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.