Mmarare 7:8 - mzwDBL

⁸ Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Mmarare 7:8 Iomraidhean Croise

Mumpar 19:16

Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum.

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

2 Samoɛl 22:20

O cha mɛ dɛ laɡ mɛ le wekpeɡa nyoa, o sie aa dɛ lɛ n nɛɛ nomanta, o lɛɛ mɛ.

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

1 Webena 16:16

Fɔo o ne ya naa Abraham aa fɔwa, ne nyoa waa baɡɛ Aesek la.

2 Webena 9:8

Korowii haa dɛ tomɔ laanee dɔ jam. O sie lɛ he nɛ, dɛ cheɡe o kora ta Israel tena nɛ o sɔn ta ŋɔ hɛɛ nyiŋi ba nɛ. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

Yela 105:42

Korowii lii nyoa waa baɡɛ o bonɔɔ Abraham, o do ɡoroŋ la wa.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 44:4

Henee kooro ne Korowii maa dɛ tomɛ, dɛ ɡel he nɛra Israel tena yo, dɛɛ pɔ ya dɔma nɛ.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 32:13

Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Aesaya 43:4

He waa hiah mɛ kohona, he waa aa dɔ jirima n be mɛɛ nyin heyaa nomanta, mɛɛ kpɔ harɛre ne a nɛraa charɛ he nyu.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Ɛsekeɛl 36:22

Anomanta, ŋɔ men Nemenɛ Korowii ŋɔ Israel tena be ŋɔ, ‘He waa laa mɛɛ ba ɡɛ waa nɔ ɛɛ. N sɔn waa do ɡoroŋ he chɔɡo tɛ harɛre nɛra, bela bwa haa laŋa la waa.

Maeka 6:4

He fa ɛ yoma Ijipt harɛ ta, asɛ n lawɛ heyaa le bela. N tomɛ Mosis ne Arɔn dɛ Miriam, bá ba tɔ he sie.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Matiu 11:26

Jam, n Mɛɛ. Gɛɛ wera he be.”

Amanesoma Luk Aa Chwera Tɔn 1:55

ɡɛ tenten waa baɡɛ Abraham ne o naanar nyoa kɛ wɛɛ na ba sumii saŋ bɛlbwa la.”

Tɔn Pɔɔl Aa Chwerɛ Rom Tena 11:28

Israel tena aa vɛh Yeesu Amanesoma la nomanta, ba berɛ Korowii dɔma, asɛ a le wedɛɛɡa tɛ heya. Kɛ baa ɛ nɛra Korowii aa chal ba la nomanta, o ta dɛ nyin ba taeh. Nyoa waa baɡɛ ba naawa la, a waa o taa nyin ba la.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 10:15

Kɛ he naawa ɡbosoo nɛɛ Korowii kpɔ sie dawɛ kɛ wɛɛ nyin baa, dɛ berɛ le he nɛra haa ɛ ba naanar nɔ harɛre nɛra bwa bini, dɛ kpɔ heyaa ɛ o nɛra ɡɛ aa doa fini nɔ.

Mmarare 23:6

He ne ba bɛ chamene di saŋ bɛlbwa bwa.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.