Mmarare 7:5 - mzwDBL

⁵ Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.

Mmarare 7:5 Iomraidhean Croise

2 Koranar 10:26

dɛ kpɔ bwe baa pao ɛ voɡ dɛɛ tomɔ la le dea la bini dɛ fuuh.

1 Webena 14:12

Filisti tena chwao ɡel ba voɡare bela, asɛ Kooro Devid tɛ o nɛra ŋwɛnɛ ŋɔ ba fuah.

2 Webena 14:3

O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Kaala 32:20

Belaa o fuh nabale baa kwaaro la, asɛ o namɔ dɛ ɛ o men la merɛ nee sie, asɛ dɛ ɡel Israel tena la nyɔ.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Lewi Dea Tena 26:1

Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Mmarare 16:21

He bɛ voɡhaah Asera dajaŋa paaɡe ja kon haa ɛo dɛɛ fuh saraha kwaa o ta dɛɛ tɛ Korowii haa dɛ tomɔ nɔ ta.

Mmarare 16:22

He bɛ bwe kpɔ pa dɛ́ɛ tomɔ. Korowii kii ɡɛ kwaa la.”

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Mmarare 9:21

Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.