Mmarare 7:2 - mzwDBL

² Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Mmarare 7:2 Iomraidhean Croise

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

2 Samoɛl 21:2

Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

1 Koranar 20:34

Kooro Bɛn Hadad ŋɔ Kooro Ahab be ŋɔ, “Mɛɛ berɛ bwɛjena n mɛɛ aa lɛa le he mɛɛ be laanee tɛɛ, ásɛ he ɛ he ɡbaɡba bonadibɔra Damaskɔs, ɡɛ n mɛɛ aa ɛa Samaria la.” Asɛ Kooro Ahab ŋɔ, “Dɛ he ɡelɔ ya fɔwɛ ɡɛ fɔo aa, mɛɛ kpɔe ta he kaa.” Anomanta, o ne o fɔwɛ fɔo asɛ o tao ŋwɛnɛ o kaa.

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

Yela 106:34

Ba ta nɛra baa wola hen tomɛ kpoorɛ ɡɛ haa do ba la,

Kaala 22:20

Nomɛlbwa waa kpo kwaa ɛ saraha tɛ voɡ bɛlbwa, dɛ ɡel men Korowii la chɛ kɛ bá kpoo.

Nɛra Kura 21:2

Anee Israel tena ŋwɛɛ baɡle Korowii ŋɔ, “Dɛ he cha yaa ya pɔ Keenan tena nɔ nɛ aa, yaa chɔɡ ba bwɛjena bwaa kwaraa.”

Nɛra Kura 31:17

Hé kpoo bibaala la bwa dɛ́ kpo haah bɛlbwa waa chɔ baa ka,

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Mmarare 13:8

he bɛ sɛh, he bɛ on sie tɛ, he bɛ o sum ɡe na.

Mmarare 13:9

A chɛ kɛ hé kpoo! Tɔ sie ta bwe forɔ mɔɔ nomɛlbwa ɡe forɔ.

Mmarare 19:13

He bɛ o sum na, ásɛ a chiɡ heyaa kɛrɛdɛ. Gɛɛ dɛ le nɛn waa wola wechɔɡa ɛɛ ba kpoo la bolchɔɡe dii le Israel harɛ ta.

Mmarare 2:33

Asɛ Korowii yaa dɛ tomɔ laa nɔn kpɔ o nɛɛ ya kpoo o ne o bibaala ne nɛra baa ja o nɛɛ la bwa.

Mmarare 2:34

Ya lɛ o bwɛɛre bwa dɛ chɔɡa, dɛ kpoo baala ne haahna dɛ bechale bwa. Ya ta ɡelɛ nomɛlbwa won dɔ bɔr chwa.

Mmarare 23:14

A munii kɛŋɔ Korowii haa dɛ tomɔ nɔ lɔ he baah ta dɛɛ nyiŋi he nɛ, dɛ́ ɡel he pɔ he dɔma nɛ. Anomanta, hé ɡel bela haa cheme la do ɡoroŋ, ásɛ Korowii bɛ doŋa bɛlbwa he nɛɛ na, dɛ ba berɛ habɔɔ kpo heya.”

Mmarare 25:12

hé teŋe o nɔn la ta, dɛ bɛ o sum na.

Mmarare 3:3

Gɛɛ Korowii kpɔ Kooro Ɔɡ ne o nɛra do ya nɔn ta. Asɛ ya kpoo ba bwa nɛmbeŋkpoŋ ɡba ta kae.

Mmarare 31:5

Wɛɛ ɡeloo he pɔ ba nɛ, ásɛ dɛ ɛɛ ba ɡɛ n fa aa ŋɔ he be la.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:30

Korowii cheɡɛ Josua ne o laa tena mun ta, dɛ kpɔ bwɛjen la ne o kooro do ba nɔn ta. Ba kpoo nɛra baa lɔ o ta bwa, nomɛlbwa ta kae. Gɛ baa ɛ bwɛjen Jeriko kooro laanee ba ɛ kooro la ɡe.

Josua 10:32

Tɔpera anɛ habɔɔ la, Korowii laa nɔn kpɔ bwɛjen Lakes tena ne o nɛra bwa nɛ, asɛ Josua ne o laa tena kpoo ba bwa sekwaraa ɡɛ waa ɛ Lebna la.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 2:14

Anee nɛra la baɡɔ nyoa ŋɔ, “Dɛ ya ta waa yaa bola la ta teŋaa, Korowii kpoo yaa. Dɛ he ta yaa leɛ tɛ tenaa, ya ɡee nyiŋuu dɛ bɛ ɡel bá kpo he ne he nɛn bɛlbwa awola Korowii aa kpɔ he harɛ nɔ do ya nɔn ta la.”

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Josua 8:24

Israel tena aa ti bwɛjen Ai tena dɛ ka kpoo ba kooni ne pua hɛŋle ɡbo harɛ ta tonɛ la, ba berɔ la bwɛjen Ai ta ɡe dɛ ka kpoo nɛra baa ka o bini bwa.

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”

Sitɔɔla 1:24

asɛ nɛra la na baa bɛl kɛ waa le bwɛjen la ta dɛɛ ba. Asɛ ba ŋɔ o be ŋɔ, “Chaɡle yaa ɡɛ yaa ɛ dɛ́ won jo bwɛjen nɔ bini, ásɛ ya bɛ hen wobɛlbwa ɛ.”

Sitɔɔla 1:4

Korowii cha ba asɛ ba pɔ Keenan ne Pɛrɛs tena nɛ, asɛ dɛ kpoo baala kaɡboŋa fi bwɛjen Bɛsɛk.

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?