Mmarare 7:18 - mzwDBL

¹⁸ He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.

Mmarare 7:18 Iomraidhean Croise

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Yela 77:11

N Naa Korowii, mɛɛ lii he wejena haa ɛa la waa, he nyokpowaa haa ɛa saŋ la.

Yela 77:12

Mɛɛ lii waa haa ɛa laanee, ásɛ dɛ lii he wejena haa ɛa la bwa.

Yela 78:11

Ba soh waa waa ɛa, nyokpowaa waa ɛa baɡ ba la.

Nɛra Kura 13:9

Bɛnjamen dea, Rafu bibaa Palti.

Nɛra Kura 21:34

Anee Korowii ŋɔ Mosis be ŋɔ, “Bɛ Kooro Ɔɡ ɔmɛ, n kpɔ o ne o laa tena ne harɛ la bwa do he nɔn ta. Ɛo ɡɛ haa ɛ Amɔre Kooro Sihon waa di kora Hɛsbɔn la.”

Mmarare 1:21

Hé na, Korowii kpɔ harɛ la do he nɔn ta. Hé teeh ka kpɔ, ɡɛ Korowii he naawa aa tomɔ aa ŋɔ he be la. He bɛ ɔmɛ, he bɛ ɡel he bambile chɔɡ.’

Mmarare 1:29

Anee men Mosis ŋɔ, ‘He bɛ ɡel he bwara yɔr.

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 3:6

Ya chɔɡ a ɡɛ bwɛɛre la bwa, dɛ kpoo baala ne haahna dɛ bechale bwa kwaraa, ɡɛ yaa ɛ Hɛsbɔn Kooro Sihon harɛ ta la.

Mmarare 31:5

Wɛɛ ɡeloo he pɔ ba nɛ, ásɛ dɛ ɛɛ ba ɡɛ n fa aa ŋɔ he be la.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Josua 8:1

Korowii berɔ ŋɔ Josua be ŋɔ, “Dɛɛ berɛ ɔma, bɛ ɡel he bwara yɔr. Kpɔ he laa tena bwa dɛ́ ka pu Ai tena yo. N kpɔ ba kooro ne o nɛra ne bwɛjen la dɛ harɛ la bwa do he nɔn ta.

Sitɔɔla 6:13

Anee o chaŋo ŋɔ, “Nomoa, dɛ Korowii ja ya nɛ aa, ɛrɛɛ anɔ bwa berɛ pu yaa nɔɔ? Nyokpowaa ya naawa aa bol a waa baɡle yaa ŋɔ Korowii ɛa dɛ lɛ yaa le Ijipt harɛ ta la, ɛrɛɛ waa wola ane ɛɛ ya ɡe na nɔɔ? Taraken o ta yaa, dɛ kpɔ yaa do Midian tena nɔn ta.”