Mmarare 7:13 - mzwDBL

¹³ Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

Mmarare 7:13 Iomraidhean Croise

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 107:38

O swee ba andɛɛɡa ba dɔ bii kohona, ba nae ɡe ya kohona.

Yela 11:7

Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Kaala 23:25

Dɛ hɛɛ teŋɔ dɛɛ tomɛ men Korowii haa dɛ tom mɛ nɔɔ yaa, mɛɛ swee heyaa andɛɛɡaa he kondikwa ne he neerare dɛ weela bwa ta.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Sɛɡla 15:9

Korowii hah nɛnchɔɡa we-ɛɛla, O dɛ nyin nɛra baa dɛ teŋɛ waa aa toɡra ta.

Lewi Dea Tena 26:9

Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 28:1

Mosis berɔ ŋɔ, “Dɛ he do sie dɛɛ teŋɛ Korowii haa dɛ tomɔ nɔ waa maa dɛ bol he be fini nɔ ta kɛrɛdɛ naa, wɛɛ ɡeloo he sɔn le ɡwaa harɛre nɛra bwa.

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Mmarare 30:5

Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.

Mmarare 7:7

Wara laa he warɛ Korowii koh a waa nyin heyaa dɛ le heyaa kɛ o nɛra, heyaa fe wola kanɛ kwaraa.