Mmarare 7:1 - mzwDBL

¹ Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Mmarare 7:1 Iomraidhean Croise

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Webena 1:14

ne Jebus ne Amɔre dɛ Girɡasi tena,

2 Webena 8:7

Nɛra baa kaa dɛ le Hiti ne Amɔre, ne Pɛrɛs ne Hivi, dɛ Jebus tena bini, ba ta Israel tena ɛɛ la,

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

Nehemia 13:23

A ɡɛ saŋ n berɔ na kɛŋɔ Juda baala la ɡalɡa mo Asdɔd ne Amɔn dɛ Moab haahna.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Kaala 15:7

He kpeɡri ne he jirimaa he kpɔ taɡɛ he dɔma ta. He ɡelɔ he bandia kohona ba fuuh ba kɛŋɔ kpɔɡa ken.

Kaala 23:28

Mɛɛ ɡeloo jeŋibotoola tɔ he sie, dɛ́ doŋi Hivi ne Keenan dɛ Hiti tena le he ŋwɛnɛre ta.

Kaala 23:32

Hé ne ban, kɛɛ ba voɡa bɛ fɔo bɛlbwa fɔwɛ.

Kaala 23:33

He bɛ ɡel ba so he harɛ la ta, ásɛ a che ba nɛɛ he ba ɛɛ mɛ wechɔɡa, dɛkalkɛ ba voɡare toma la ɛɛ lawɛ heyaa kɛŋɔ baa harɛ heyaa bela ken.”

Kaala 33:2

Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Lewi Dea Tena 14:34

“Dɛ he jo Keenan harɛ maa kpɔa dɛɛ ba heyaa tɛɛ ó ɛ he kon la ta, asɛ nomɛl na kɛŋɔ n kpɔ konfɔɔla aa won bui ta dem bɛl danjwɛɛ ta naa,

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

Nɛra Kura 14:31

He bii haa ŋɔa baa laɡ ba laa taa kaa la, mɛɛ la ba ne harɛ haa vɛah la taa bá ka na som dɛ́ di o tɔnɔ.

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

Mmarare 11:29

Dɛ Korowii baa tel he ne harɛ haa dɛ́ la ka kpɔ so la ta naa, hé bol wedɛɛɡa waa Geresim Bwejen ta, dɛ́ berɛ bol nyotaahna waa Ebal Bwejen la ɡe ta.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 20:16

Harɛ Korowii haa dɛ tomɔ nɔ aa kpɔa dɛɛ ba heyaa tɛɛ hé so o ta la te, he bɛ hweera kon te bɛlbwa ɡel a bwɛɛre ta.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 31:3

Korowii haa dɛ tomɔ nɔ ɡbabir ɛɛ tɔ siee, dɛ́ ka chɔɡ harɛre aa lɔ bela la nɛra, ásɛ mɔɔ he won dɔ bɔr dɛ́ ka so ba buɡ ta. Korowii ŋɔ Josua ɡe tɔ he sie.

Mmarare 4:38

O doŋi nɛra le ba harɛre ta, banɔ la baa kana dɛ do kpeɡri ɡwaa heya, dɛ kpɔ tɛ heyaa kɛŋɔ kapɛrɛ kwa, ɡɛ aa doa fini nɔ.

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,

Mmarare 6:19

dɛ́ doŋi he dɔma bwa he sie ɡɛ waa baɡɛ nyoa la.

Mmarare 6:23

Kɛ ya te, o le ya ne bela dɛ ba tɛ yaa harɛ waa baɡɛ ya naawa nyoa ŋɔ wɛɛ kpɔɔ tɛ yaa la.

Mmarare 9:1

Mosis berɔ ŋɔ, “Israel tena hɛ́ɛ no, fini hɛ́ɛ le Jɔɔdan Moo la baŋ harɛ taa dɛ́ ka doŋi harɛre nɛra baa kana dɛ do kpeɡri ɡwaa heya. Ba dɔ bwɛjena dɛ ma danjwɛkpeɡa a kaa nyundua bara.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Mmarare 9:4

Korowii haa dɛ tomɔ nɔ baa tɔ he sie dɛ doŋ ba le aa, a habɔɔ la he bɛ ba ŋɔ, ‘Ya nɛndɛɛɡa ɛɛ waa Korowii kpɔ harɛ nɔ tɛ yaa.’ Akai, ɡɛ nɛra nɔ nyubinikpeɡ waa Korowii ɛɛ ba sie tɔe dɛ́ doŋ ba le.

Josua 11:3

Kooro Jabin berɔ ɡel Keenan tena baa lɔ Jɔɔdan Moo la baŋne anɛ la bwa no. Amɔre ne Hiti ne Pɛrɛs dɛ Jebus tena baa soɡe bela deŋɡarere ta, ne Hivi tena baa soɡe Hɛmɔn Bwejen lɔɡa dɛ do Mispa harɛ ta.

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.