Mmarare 6:4 - mzwDBL

⁴ Israel tena, hé no. Korowii yaa dɛ tomɔ habɔɔ, Dɔɔ bɛlbwa toole kpa.

Mmarare 6:4 Iomraidhean Croise

1 Koranar 18:21

Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.

2 Koranar 19:5

Kooro Hɛsɛkea toroma la aa ba Aesaya be la,

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

2 Webena 17:9

Ba iro kpɔ Korowii Mmara Tɔn la, dɛ ɡaaɡe Juda harɛ bwɛɛre bwa ta, dɛɛ baɡle o bini waa nɛra be.

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Yela 78:5

O kpɔ o Mmarare tɛ Israel tena baa ɛ Jekɔb naanar, a do le tɛɛ ba. O baɡle ya naawa ŋɔ, bá kpɔ baɡle ba ɡe bii,

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Matiu 22:37

Yeesu chaŋɔ ŋɔ, “ ‘Hé nyin N Naa Korowii he bambile bwa, he hweera ne he liire bwa ne.’

Amanesoma Luk Aa Chwera Tɔn 10:27

Asɛ baa la ŋɔ, “Dɛ hé nyin N Naa Korowii he bambile bwa, he hweera, he bokpeɡa ne he liire bwa ne, dɛ́ nyin he dɔŋ kɛ he ɡbaɡba.”

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

Ɛfesos 4:6

Ya bwa Mɛɛɛ Korowii, o lɔ beŋkpoŋ. Onee dɔ ya bwa dɛɛ ɛ toma ya bwa bini, dɛ do ya bwa nɛ.

Mmarare 4:39

Anomanta, hɛ́ɛ lii dɛ bɛ soh kɛŋɔ Korowii dɛ di kora nyundua ne harɛ ta bwa, komɛlbwa toole dɛ ka ja Korowii nɛ.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

1 Timoti 2:5

Anee kɛ Korowii beŋkpoŋii lole, dɛ dɔ nachiɡe beŋkpoŋ do o ne nɛwɛnyini baah ta, o ɡe ɛ nɛn. Onee Yeesu Kristo

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.