Mmarare 6:3 - mzwDBL

³ Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Mmarare 6:3 Iomraidhean Croise

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Kaala 1:7

kɛ ba bii baa lola la baa warɛ, dɛ ɡel Israel tena mun ya kohona, dɛ su Ijipt harɛ bwa ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Jeremia 42:6

Dɛ a wer kɛɛ aa were kwaraa naa, yaa teŋɛ Korowii yaa dɛ tomɔ waa taa, o bee ya tomɛ la. Ya dɛ teŋɛ o waa bwa ta naa, ya wobɛlbwa ken ɛɛ won do wer tɛ yaa.”

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

We-ɛɛla 7:17

Korowii nyobaɡa waa baɡɛ Abraham kɛ wɛɛ lee ba Ijipt harɛ taa dɛ tɛɛ ba harɛfale la aa tela la, ya naawa baa lɔ Ijipt harɛ la warɔ kohona.

Mmarare 11:9

ásɛ dɛ dɔ mkpajaŋ harɛpare ondɛɛɡe, Korowii aa ŋwɛɛ o waa he naawa be ŋɔ wɛɛ kpɔɔ tɛ ba ne ba naanar la.

Mmarare 26:15

N Naa Korowii, che he sobɔr waa lɔ nyundua ba sie ne harɛ, dɛ́ swee andɛɛɡa tɛ he nɛra Israel tena, harɛ haa tɛ yaa ɡɛ haa ŋwɛɛ ntam, dɛ baɡɛ ya naawa nyoa harɛpare ondɛɛɡe nɔ.’ ”

Mmarare 26:9

O kpɔ yaa ba harɛpare ondɛɛɡe nɔ ta dɛ ba kpɔ tɛ yaa.

Mmarare 27:3

ásɛ dɛ chwerɛ Mmarare la dawɛ a ta. Gɛ saŋ haa jo harɛ Korowii haa dɛ tomɔ nɔ aa kpɔa dɛɛ tɛ heyaa la ta la. O ɛ harɛpare ondɛɛɡe, ɡɛ Korowii he naawa aa tomɔ aa baɡɛ heyaa nyoa la.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Mmarare 8:8

Mea ne daa aa dɔ nɔna baa dɛ dia kɛŋɔ ɡrepore, ne fiɡ daa ne daa bɛl nɔna baa dɛ yera pɔmeɡranet ne ɔleve no, dɛ tohno ɡboo harɛ la bwa.