Mmarare 6:2 - mzwDBL

² Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Mmarare 6:2 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

1 Koranar 8:40

Anee dɛ́ ɡel ya ɔmɛ, dɛɛ tomɛ saŋ bɛlbwa harɛ la haa kpɔa tɛ ya naawa la ta.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 128:1

Nɛra baa dɛ ɔmɛ Korowii, dɛɛ teŋɛ o Mmarare ta la, ba na som.

Yela 91:16

Mɛɛ ɡeloo bá so dɛ́ biɡri, ásɛ n lɛɛ ba.”

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 3:16

O dɛ tɛ mkpajaŋ, dɛ berɛ dɛɛ tɛ kondɔɔh ne jirima.

Sɛɡla 9:11

Menee Wejema, he teŋɛ n nɛ aa, hɛɛ dɔ mkpajaŋee.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Ɛsekeɛl 20:19

Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Mmarare 11:9

ásɛ dɛ dɔ mkpajaŋ harɛpare ondɛɛɡe, Korowii aa ŋwɛɛ o waa he naawa be ŋɔ wɛɛ kpɔɔ tɛ ba ne ba naanar la.

Mmarare 13:4

Korowii haa dɛ tomɔ nɔ nɛɛ chɛ kɛŋɔ hé teŋɛ, onee chɛ kɛ hé ɔmɛ. Hé teŋɛ o waa ta dɛɛ duuru, hé tomɔ dɛ́ kpɔ he te pɛlo.

Mmarare 15:5

Dɛ hɛɛ no Korowii deŋna waa kɛrɛdɛ dɛ́ teŋɛ ɡɛ waa nɔ maa kpɔa dɛɛ tɛ heyaa fini nɔ ta tenaa.

Mmarare 22:7

Pa o bii la dɛ́ ɡel o nya la te o kaa, ásɛ a chiɡ heyaa kɛrɛdɛ hé dɔ mkpajaŋ.

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Mmarare 6:24

Asɛ Korowii ŋɔ yáa teŋɛ Mmarare nɔ ta dɛ́ɛ duuru. Dɛ ya dɛ ɛ ɡɛ naa, aa chiɡ yaa kɛrɛdɛɛ ya dɔ mkpa ɡɛ yaa doa fini nɔ.

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Josua 4:24

Korowii ɛ ɡɛ waa nɔ ásɛ harɛ nɔ ta nɛra bwa jemɛ kɛŋɔ o kpeɡri kan, ásɛ hɛɛ duu Korowii haa dɛ tomɔ saŋ bɛlbwa.’ ”

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.