Mmarare 5:5 - mzwDBL

⁵ Dɛ n cheɡɛ he ne Korowii baah ta ɡɛ saŋ dɛ baɡle heyaa o waa bini he ɔmɛ nii la. He ta bwe la teehnɛ. O bolɔ ŋɔ,

Mmarare 5:5 Iomraidhean Croise

Mumpar 18:22

Belaa baala banɛ la pe do dɛɛ kaa Sodom, asɛ Abraham ta che Korowii sie bela.

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Kaala 19:21

asɛ Korowii ŋɔ o be ŋɔ, “Berɛ tu ka kah nɛra la ŋɔ ba bɛ lii kɛŋɔ baa ɡale jwɛh laanee dɛ́ kpɔ siwi na men Korowii. Ba lii ɡɛ naa, ba kɛrɛdɛ bwa ɛɛ serewoo.

Kaala 19:25

Asɛ Mosis tu ba nɛra la be, dɛ ba bol waa Korowii aa bola la chaɡ ba.

Jeremia 30:21

Ba ɡbaɡba binii ba sitɔɔ waa ɛ ba kooro ɛɛ ba lee. Mɛɛ lawɛ ɡɛ nɛn laanee ba n be ó bɛn mɛ. Umee dɛ́ won ba n be dɛ n laa ta nɔn yerɔ wɔ? Men Korowiirii bola.

Nɛra Kura 16:48

Arɔn kaa che nɛra baa serewa chɔ ne weera la baah ta, asɛ weechɔɡa la ɡel.

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Mmarare 5:27

Hen Mosis, la dɛ́ ka no waa bwa Korowii yaa dɛ tomɔ aa dɛ ba bola, dɛ́ ba ŋɔ ya be. Yaa noo dɛɛ teŋɛ a ta.’

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.