Mmarare 5:21 - mzwDBL

²¹ He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa deremi, ba harɛre ne ba bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.’

Mmarare 5:21 Iomraidhean Croise

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Job Tɔn 31:9

Dɛ n pɛla dɔ haah, kɛɛ dɛ n kaa pɛl n dɔŋ bɛl doonyoa aa,

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Sɛɡla 6:25

Bɛ o wer waa koh dɛ́ ɡel he sie do o nɛ, bɛ ɡel o kpɔ o tolsie neɡre.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Tɔn Pɔɔl Aa Chwerɛ Rom Tena 13:9

Korowii Mmara aa chaɡla kɛŋɔ, “Bɛ jwamane bɔ, bɛ nɛn kpo, bɛ ŋwɛ, bɛ ɡel he sie beɡre he dɔŋ kon la,” a ne anɔ la aa kaa la bwa lɔ a ɡɛ Mmara beŋkpoŋ nɔ waa dɛ baɡle kɛ, “Nyin he dɔŋ kɛ he ɡbaɡba” nɔ ta.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”