Mmarare 5:2 - mzwDBL

² Sinai Bwejen taa Korowii yaa dɛ tomɔ ne ya fɔwɛ fɔo.

Mmarare 5:2 Iomraidhean Croise

2 Koranar 17:35

Korowii ne Israel tena aa fɔwɛ fɔo la, o do ba ŋɔ, “He bɛ voɡ bɛlbwa tomɛ, he bɛ an ɡuŋi kɛɛ dɛ́ kpo kwaa ɛ sarahare tɛa.

Kaala 19:1

Israel tena aa le Ijipt harɛ ta korobie atoro ta la, ba baa tel Sinai pua hɛŋle ɡbo harɛ ta.

Kaala 24:8

Belaa o berɛ kpɔ chal la merɛ nɛra la nɛ dɛ ŋɔ, “Chal nɔɔ ɡela fɔo he ne Korowii aa fɔwa dɛ ŋɔ hɛɛ dɛɛ teŋɛ o Mmarare ta la won che tɛ heya.”

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Jeremia 34:13

“Waa Korowii Israel tena aa dɛ tomɔ aa dɛ bol laanee nɔ, ‘N ne he naawa fɔwɛ fɔo ɡɛ saŋ maa laɡ ba le Ijipt harɛ ta, bela baa do ba kɛŋɔ yoma la, kɛŋɔ

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Mmarare 1:6

O ŋɔ, “Gɛ saŋ ya fa aa lɔ Sinai Bwejen ta la, Korowii yaa dɛ tomɔ ŋɔ, ‘He soɡe bwejen nɔ ta biɡri.

Mmarare 29:1

Waa aa lɔ fɔo Korowii aa do Mosis ŋɔ o ne Israel tena fɔwɛ Moab harɛ ta, dɛ kpɔ ja Sinai Bwejen kon la ta laanee teŋa nɔ.

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.