Mmarare 5:12 - mzwDBL

¹² Hé di Ona Tɔpere la, dɛ́ ɛo tɔpedɛɛɡe ó do ɡoroŋ, ɡɛ men Korowii haa dɛ tom mɛ nɔ aa do heyaa wubwa la.

Mmarare 5:12 Iomraidhean Croise

Nehemia 13:15

A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.

Kaala 16:23

O ŋɔ ba be ŋɔ, “Waa Korowii aa dɛ do heya a ta laanee nɔ, kere ɛ Ona Tɔpere, o ɛ tɔpere waa do ɡoroŋ dɛ tɛ Korowii. Anomanta, hé wɔɔ paanoo haa dɛ nyin wɔɔra, dɛ́ daa anɔ la haa dɛ nyin daala fini. Anɔ la haa di a ka la, he kwaa cheɡ tɔɔ per a ta.”

Kaala 16:30

Anomanta, nomɛlbwa onɛ tɔpenuanɛ wee la ta.

Kaala 31:13

“Ŋɔ Israel tena be ŋɔ a chɛ kɛŋɔ báa di n Ona Tɔpera. Anee dɛ́ ɛ danseɛ kon n ne ba baah dɛɛ lii ba, hale dɛ ka tel ba naanar baa ka ba bwa nɛ, ásɛ he jemɛ kɛŋɔ men Korowiirii le heyaa tɛ n te hé ɛ n nɛra.

Kaala 31:15

Tɔpera anumɛlee chɛ kɛŋɔ bɛlbwa kpɔ ɛ o toma, kɛ tɔpenuanɛ wee la ɛ Ona Tɔpere. O ɛ tɔpere waa do ɡoroŋ dɛ tɛ men Korowii. Nomɛlbwa waa ɛ toma o ta la chɛ kɛŋɔ bá kpoo.

Aesaya 56:6

Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jeremia 17:22

He bɛ bone bɛlbwa kpɔ le he deremi ta, kɛɛ dɛɛ ɛ toma Ona Tɔpere la ta. Hé ɡel ó do ɡoroŋ ɡɛ maa do he naawa la.

Amanesoma Mak Aa Chwera Tɔn 2:27

Anee Yeesu ŋɔ ba be ja ŋɔ, “Nɛn waa Korowii cheɡ Ona Tɔpere. Ona Tɔpere te waa laa o ta nɛn.

Mmarare 5:13

Tɔpera anumɛlee he dɔ kɛŋɔ hé ɛ he toma bɛlbwa,