Mmarare 5:1 - mzwDBL

¹ Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 5:1 Iomraidhean Croise

Yela 78:7

Anee dɛ́ ɡel ba kpɔ ba hwɛɡa dawɛ Korowii nɛ, dɛ bɛ waa waa ɛa la soh, dɛ́ na dɛɛ teŋɛ o Mmarare la ta.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 18:20

Gel ba jemɛ Korowii Mmarare la, dɛ́ baɡ ba ɡɛ baa so sodɛɛɡa.

Matiu 23:3

Anomanta, a chɛ kɛ hé no ba be, dɛ́ teŋɛ waa baa dɛ baɡle heyaa ŋɔ hé ɛ la bwa ta. Kɛ he bɛ ba we-ɛɛla te hweli, dɛkalkɛ baa waa baa bola dɛɛ chaɡle heyaa la ɛ.

Mmarare 1:1

Kenii Mosis bol Israel tena be ɡɛ saŋ baa lɔ pua hɛŋle ɡbo harɛ ta, Jɔɔdan Moo wee leebɔr. Bela lɔ Jɔɔdan Fɛlembɔjen ta, dɛ bɛne bwɛɛ Suf, o do Paran ne Tofɛl ne Laban, ne Haserɔt dɛ Disahab baah ta.

Mmarare 11:1

Mosis berɔ ŋɔ, “Anomanta, hɛ́ɛ nyin Korowii haa dɛ tomɔ nɔ waa dɛ́ɛ teŋɛ o Mmarare bwa ta.

Mmarare 12:1

Mosis berɔ ŋɔ, “Dɛ hé baa tel harɛ Korowii he naawa aa tomɔ aa kpɔa tɛ heyaa ŋɔ hé so o ta la aa, Mmarare aa chɛ kɛŋɔ hé teŋɛ a ta laanee kɛŋɔ,

Mmarare 17:19

Ásɛ dɛ bɛ ɡel wɛɛ paŋɔ, wɛɛ kuro saŋ te bɛlbwa o soɡa bini bwa. Gɛɛ dɛɛ ba ɡela ó jemɛ Korowii waa dɛ tomɔ la duura kɛrɛdɛ, dɛ́ɛ teŋɛ wobɛlbwa waa bola a do tɔn la bini.

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Mmarare 29:10

Mosis ŋɔ Israel tena la be ja ŋɔ, “Korowii siee he bwa che fini la, onee hɛɛ tomɛ. He nomonome, ne nɛra baa dɛ tɔ he sie, ne baala,

Mmarare 29:2

Mosis yerɛ Israel tena la bwa dɛ ŋɔ ba be ŋɔ, “Hé na waa Korowii aa kpɔa ɛ Ijipt kooro ne o nomonome, ne nɛra baa lɔ Ijipt harɛ ta la bwa.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:49

ne harɛ waa chɔ Jɔɔdan Moo baŋ wee leebɔr bwa ka tel weekaŋle harɛbɔr Yar Mpo ta dɛ kaa Pesɡa Bwejen la lɔɡa.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 5:2

Sinai Bwejen taa Korowii yaa dɛ tomɔ ne ya fɔwɛ fɔo.

Mmarare 6:17

Hé nyiŋi kɛrɛdɛ dɛ́ɛ teŋɛ mmarare waa kpɔa tɛ heyaa la bwa ta.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.