Mmarare 4:9 - mzwDBL

⁹ A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Mmarare 4:9 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Sɛɡla 1:8

N bie, no waa he mɛɛ aa dɛ doe a ta, bɛ waa he nya aa dɛ baɡle vɛh.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Sɛɡla 3:21

N bie, lawɛ he wejema ne waa mun noe bini, bɛ ɡel a paŋɛ.

Sɛɡla 7:1

N bie, dɛɛ teŋɛ n waa ta, dɛ́ɛ do liire waa maa dɛ doe a ta la ta.

Aesaya 38:19

Weeraa dɛɛ kpɛɛre ɡɛ maa dɛ kpɛɛre fini nɔ. Eehnanar dɛ bol he kasinteŋ waa ba bii be.

Aesaya 42:20

Israel tena, waa haa kpɔ siwi na warɔ taeh, he ta sie a ta doe. He dɔ deŋne dɛ́ no waa kɛrɛdɛ, kɛ haa deŋne cheɡ.”

Jeremia 17:21

Hé nyiŋi kɛrɛdɛ dɛ bɛ bone che Ona Tɔpere, kɛɛ dɛɛ che bone dɛɛ kpɔ Jerusalam doonyojena ta.

Amanesoma Luk Aa Chwera Tɔn 8:18

Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

Ɛfesos 6:4

Mɛɛnanar, he bɛ he bii sibeɡra dɛ́ɛ do, ásɛ ba baah ɛɛ di. Hé kpoŋ ba kɛrɛdɛ dɛ́ɛ baɡ ba ŋwɛnɛre ne waa la bwa aa wera ya Dɔɔ be.

Mmarare 11:19

Hé bol baɡle he bii, hɛ́ɛ bola he dem soɡa ne he vala bini. He chɔe ne ira bini bwa, hɛ́ɛ bol a wa.

Mmarare 12:1

Mosis berɔ ŋɔ, “Dɛ hé baa tel harɛ Korowii he naawa aa tomɔ aa kpɔa tɛ heyaa ŋɔ hé so o ta la aa, Mmarare aa chɛ kɛŋɔ hé teŋɛ a ta laanee kɛŋɔ,

Mmarare 16:3

He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.

Mmarare 17:19

Ásɛ dɛ bɛ ɡel wɛɛ paŋɔ, wɛɛ kuro saŋ te bɛlbwa o soɡa bini bwa. Gɛɛ dɛɛ ba ɡela ó jemɛ Korowii waa dɛ tomɔ la duura kɛrɛdɛ, dɛ́ɛ teŋɛ wobɛlbwa waa bola a do tɔn la bini.

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Mmarare 31:19

Korowii ŋɔ Mosis ne Josua be ŋɔ, “N dɛ ba heyaa yel baɡla, he chwerɛ bil, dɛ́ kpɔ baɡle Israel tena, ásɛ a ɛ waa dɛ́ chɔ tɛɛ ba.

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Mmarare 4:15

Anee Mosis berɛ ŋɔ, “A ɡɛ saŋ haa no Korowii taa nii la ta Sinai Bwejen ta la, he ta komɛlbwa nae, anomanta, he nyiŋi kɛrɛdɛ,

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Mmarare 6:20

Kerekere dɛ he naanar bɔɔ heyaa ŋɔ, ‘Bɔkwa waa Korowii yaa dɛ tomɔ ŋɔ yaa teŋɛ Mmarare nɔ ta nɔɔ?’

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Mmarare 8:11

Hé nyiŋi kɛrɛdɛ kɛŋɔ haa Korowii haa dɛ tomɔ la waa soh, dɛ́ ba vɛh o Mmarare maa kpɔa dɛɛ tɛ heyaa fini nɔ.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Jems 2:22

He ta nae kɛŋɔ o yarada ne o wedɛɛɡa ɛɛ bwa aa pɛ aa? O wedɛɛɡa ɛɛ taa a che o yarada ɛ yarada kasinteŋ.

Josua 1:18

Nomɛlbwa waa ɛ deŋnekpeɡ waa wola he waa taa teŋɛ la, kpoe yaa ba o kpoe. He te che kiŋkiŋ, dɔ bambile!”

Josua 23:11

Anomanta, hé nyiŋi kɛrɛdɛ dɛ́ɛ nyin Korowii haa dɛ tomɔ la wa.

Josua 4:21

Asɛ dɛ ŋɔ Israel tena la be ja ŋɔ, “Kerekere dɛ he bii ba dɛ bɔɔ heya bwea nɔ mun aa,

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.

Sitɔɔla 8:34

dɛ soh Korowii waa lɛɛ ba le ba dɔma baa soɡa bar ba cheme nɔn ta la.