Biblia Todo Logo
Bìoball air-loidhne

- Sanasan -




Mmarare 4:34 - mzwDBL

34 Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Faic an caibideil Dèan lethbhreac




Mmarare 4:34
35 Iomraidhean Croise  

O kpeɡri nee o lɛɛ ba. O nyina lole saŋ bɛlbwa dɛɛ la.


Umee Koojen waa dɔ jirima kohona nɔɔ? Onee Korowii waa dɔ kpeɡri, dɛ do kan, dɛ ɛ banyoo laa yoi ta la.


O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.


Awola bɛl, kooro la iro dɛ ŋɔ o nɛra la be ŋɔ, “Israel tena baa lɔ ya harɛ nɔ ta berɔ dɛɛ warɛ kohona, dɛ́ ba di kpeɡri ya nɛɛ tɔpetooro bɛl.


Korowii berɛ ŋɔ Mosis be ŋɔ, “Tɛr he nɔn pa nyundua ásɛ biro kpirkpirkpir ba tɔ Ijipt harɛ bwa.”


Ate, kooro nomonome la soŋo ŋɔ, “N naa, ɡel Hibru tena la kaa dɛ́ ka tomɛ Korowii baa dɛ tomɔ la kɛŋɔ baa nɔ aa naa dɛɛ tɛ yaa waa la. Chɔɡaa harɛ nɔ na dɛɛ chɔɡ la oo!”


Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.


Kenii Korowii lɛ Israel tena le Ijipt tena nɔn ta awola tɔpere, asɛ Israel tena na ba kɛ baa serewa dɛ chɔ Mpo la nyoa.


N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?


“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.


N dɛ tomɛ Ijipt kooro be, ásɛ he tɔ n nɛra sie ba won le o harɛ la ta.”


Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.


Kɛ mɛɛ ɡeloo kooro la deŋne do kpeɡri dɛ bɛ he be no, ásɛ dɛ n ɛ nyokpowaa kohona harɛ la ta kwaraa naa, waa he bee no.


N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?


O ɡbabirii dɛ́ yo heya o bokpeɡa ne o bandia kohona bwa ne.


He cheɡɛ wejena ne nyokpowe-ɛɛla ta, dɛ kpɔ ɔmee kohona ta ya dɔma nɛ, dɛ che he kpeɡri ta lawɛ he nɛra Israel tena le Ijipt harɛ ta.


asɛ ya wi no Korowii o no yaa, dɛ ɡel nyundua torome ba kpɔ yaa le Ijipt harɛ ta. Taraken ya lɔ Kades, bwɛɛ waa lɔ he harɛ jwɛh ta.


Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.


Hé kpɛɛro, onee Korowii haa dɛ tomɔ o ɛ wejena aa do ɔma kohona he na ka la.


Fini, hé lii dɛ́ berɛ ta sie na waa Korowii aa ɛa dɛ baɡle heya. Heyaa, he bii laa. Hé na ɡɛ Korowii wa aa dɔ nyɛl, ne o kan ne o kpeɡri,


Asɛ Korowii che o kpeɡri ne o bokpeɡa kohona waa dɔa la ta dɛ lɛ yaa le Ijipt harɛ ta. O ɛ nyokpowe-ɛɛla ne waa aa do ɔma kohona ɡe bela.


He na wekpeɡa ne waa aa chiɡa ne nyokpowaa Korowii aa ɛa kohona.


Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”


Gɛɛ Korowii keame bɛlbwa aa wola wone ɛ wejena ne waa aa do ɔma kɛŋɔ Mosis aa ɛa Israel tena la siwi ta la.


Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.


He ŋɔ ba be ŋɔ, ‘Ya fa dɛ di somanjiri Ijipt kooro harɛ ta, asɛ Korowii che o kpeɡri ta dɛ le ya ne bela.


Hé lii hɔhɔrɔwa ne nyokpowaa ne kpeɡri, ne bokpeɡa Korowii haa dɛ tomɔ nɔ aa kpɔa ɛ Ijipt tena dɛ lawɛ heyaa le la. Gɛ tentenee wɛɛ ba nɛra haa dɛ ɔm ba taraken nɔ ɛɛ.


Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”


Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.


Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.


Lean sinn:

Sanasan


Sanasan