Mmarare 4:26 - mzwDBL

²⁶ Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Mmarare 4:26 Iomraidhean Croise

Mumpar 19:13

dɛkalkɛ ɡɛ ba wechɔɡa aa le nɛra bwa mee baa bola la kan to. Anomanta, Korowii tomɛ yaa ŋɔ yá ba chɔɡ bwɛɛ nɔ.”

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Jeremia 2:12

Kwaa aa lɔ nyundua, hé ɡel he nyoa kpo hɛɛ chel ɔmee ne kohona. Men Korowiirii bola.

Jeremia 22:29

Harɛ nɔɔ dɛ́ ɛ danseɛ dɛ́ cheɡ deŋne dɛ́ no Korowii waa waa bola.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Ɛsekeɛl 33:28

Mɛɛ ɡeloo harɛ la chɔ pɛɛ, ásɛ kpeɡri o fa aa dɔa dɛɛ ɛ mbarafo la ba a jaɡa. Bwejena aa lɔ Israel harɛ ta bwa ɛɛ chɔɡoo, ásɛ nomɛlbwa aa won kpɔ a ta.

Ɛsekeɛl 36:4

Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Lewi Dea Tena 18:28

Hé ɡe baa chɔɡ harɛ la aa, wɛɛ le heyaa tɛ ɡɛ waa le nɛra baa tɔ he sie tɛ la.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Maeka 6:2

Bwejena ne kwaa bwa haa le saŋ la bwa do le dɛ lawɛ harɛ kpoŋe ɡe, hé no. Korowii ne o nɛra Israel tena dɔɔ, wɛɛ ba ba waa bola dɛ́ pa bole.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Mmarare 11:17

Ásɛ Korowii baah bɛ he nɛɛ di, dɛ́ ɡel bwaala ɡel nɛɛ hwel che he kooni kondikwaa chɔɡ, ásɛ he serewe le harɛdɛɛɡe waa kpɔa dɛɛ tɛ heyaa la ta.

Mmarare 28:20

Dɛ he vɛh Korowii aa, wɛɛ kpɔ wekpeɡaa ta he nɛ, he berɛ wili dɛɛ na waa wobɛlbwa haa dɛɛ ɛ ta, dɛ́ ka tel kɛŋɔ waa chɔɡ heyaa warane kwaraa.

Mmarare 28:22

Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Mmarare 28:45

Wekpeɡa maa bol a waa nɔ bwa ɛɛ ba he nɛɛ, dɛ́ ka he nɛɛ ka tel kɛŋɔ he bwa aa serewa, dɛkalkɛŋɔ he ta Korowii waa noɛ. He ta o Mmarare waa do heyaa a ta la ta teŋɛ.

Mmarare 28:61

Wɛɛ kpɔ weela bwa soo siwi ne wekpeɡa waa wola an chwerɛ do Mmara Tɔn nɔ binii ba ta he nɛɛ ka tel kɛŋɔ haa serewe.

Mmarare 29:28

Bandia kohona nee Korowii ir ba le ba harɛ ta, dɛ ba taɡ ba ta hɔɔhra harɛ ta, ba ta do bela ba le fini la.’

Mmarare 31:28

Anomanta, he yerɛ he deene la nomonome, ne banɔ la baa chɔ he nyoa ba cheme n sie, ásɛ n bol waa nɔ bwa tɛɛ ba, dɛ́ yerɛ nyundua ne harɛ a chɔ dɛ́ ɛ danseɛ.

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Mmarare 8:19

Hɛ́ɛ berɛ Korowii haa dɛ tomɔ la waa soeh, dɛ́ berɛ kaa tomɛ voɡare ane dɛɛ ɡuŋa. N dɛ ŋɔ he be fini kɛŋɔ, ate o fe ɛɛ kpoo heyaa,

Mmarare 8:20

kɛŋɔ harɛre ane nɛra waa tɔ he sie dɛ kpoo ba la. Dɛ he ta o waa noɛ yaa, ɡɛɛ Korowii haa dɛ tomɔ nɔ ɛɛ ba heyaa ɛɛ.”

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Josua 24:20

He bɛ Korowii toma ɡel, dɛ́ kaa tomɛ harɛre ane voɡa. A lole kɛŋɔ o fa ɛ wedɛɛɡa tɛ heya te, o bandia ɛɛ ir he nɛɛ ó tɛr he deŋne ka tel kɛŋɔ waa chɔɡ heyaa kwaraa.”