Mmarare 33:3 - mzwDBL

³ Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

Mmarare 33:3 Iomraidhean Croise

Yela 31:15

Saŋ bɛlbwa, n lɔ he nɔn ta, lɛɛ mɛ le n dɔma, ne nɛra baa dɛ nyin bá chɔɡ mɛ nɔn ta.

Yela 47:4

Onee le ya harɛ yaa soɡe o ta nɔ cheɡ tɛ yaa, o ɡbabir nɛra Israel tena waa dɛ nyin yaa, dɛ kpɔ tɛ yaa o ɛ ya kapɛrɛ kon la.

Yela 50:5

Korowii berɔ ŋɔ, “N dɛ nyin kɛ n nɛra maa lee ba cheɡ tɛ n te boa ba nyoa, nɛra baa kpo kon ɛ saraha, a che tɛ fɔo n ne baa fɔwa la.”

Sɛɡla 2:1

N bie, dɛ he no waa maa bola dɛɛ baɡle, dɛɛ do liire n waa ta,

Wejereme 9:1

N lii anɔ bwa kɛrɛdɛ, dɛ na kɛŋɔ nɛra ba wa aa toɡra, ne wejerema waa baa dɛ ɛ bwa, lɔ Korowii nɔn ta. Kɛ bɛlbwa aa jemɛ kɛ wedɛɛɡa, kɛɛ wechɔɡa chɔ le dɛɛ kpaa ba.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Hosia 11:1

Korowii ŋɔ, “Israel fa aa do kɛ bechala la n nyinu, dɛ yerɔ le Ijipt harɛ ta kɛŋɔ n bie.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Matiu 23:2

“Tɔnjerema la ne Farisii tena nɔɔ dɔ ŋwɛnɛ kɛ bá chaɡle Mosis Mmara la bini baɡle nɛra.

Amanesoma Luk Aa Chwera Tɔn 10:39

Dɛ Maata dɔ o nime bihaah bɛl baa dɛ yerɔ Mɛɛre. Dɛ ɡɛ Mɛɛre nɔ, dɛ o soɡe Yeesu be dɛɛ no o webaɡla la.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.