Mmarare 32:8 - mzwDBL

⁸ Nemenɛ Korowiirii tɛ harɛre nɛra ba harɛre. Onee nyiŋa dɛ jemɛ bela Israel tena aa so, dɛ tɛ harɛ bɛlbwa nyundua torome wɛɛ daah ba.

Mmarare 32:8 Iomraidhean Croise

Mumpar 10:15

Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

Mumpar 10:25

Iba ɡe aa baa kpeɡ la, o lolɛ bibaala banɛ. Bɛl sɔne Pɛlɛɡ. O munii peɡra, dɛkalkɛ o saŋ taa nɛra baa lɔ harɛ nɔ ta bini peɡri la. Dɛ o nime ɡe sɔne Joktan.

Mumpar 10:5

Ba biirii nɛra baa peɡra dɛ ka so neerare nyoo, asɛ bɛlbwa dɔ ba wobol dɛ so ba harɛre ta.

1 Webena 16:18

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Job Tɔn 15:19

Ba naawa ɡboo fa dɔ harɛ la, dɛ nɛŋhɔɔhra toole dɛ ɡel ba laa ba te kpɔ Korowii nɛ.

Yela 115:16

Korowii kpɔ nyundua ɛ o dobɔr, dɛ kpɔ harɛ nɔ tɛ ya nɛwɛnyina.

Yela 50:14

Hé kpɔ jam ɛ saraha tɛ men Korowii, dɛ́ ka chuɡri he nyobaɡa bwa Nemenɛ Korowii be.

Yela 7:17

N dɛ jam N Naa Korowii, dɛkalkɛ o waa toɡrɔ. Mɛɛ ɡo yelaa kpɛɛ Nemenɛ Korowii.

Yela 74:17

henee bil harɛ jwɛhre, dɛ ta bwaala ne lɔmɔɡa saŋ.

Yela 82:6

Men Korowii maa lɔ nyundua ŋɔ, ‘He bɛlbwa do kɛ Korowii, kɛɛ men Nemenɛ Korowii bii.’

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Yela 92:8

Kɛ hen Korowii kan saŋ bɛlbwa dɛɛ la.

Aesaya 14:14

Mɛɛ teehnoo ka so baama baŋ, dɛ́ ɛ n te kɛŋɔ Nemenɛ Korowii ken.’

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Maeka 2:5

Anomanta, bɛlbwa toole Korowii nɛra bini dɛ́ dɔ harɛ la le bie tae bini.

Nɛra Kura 23:9

N cheɡɛ bwejena dor dɛ na ba, n cheɡɛ deŋɡarere ta dɛ veeh ba. N nao kɛ ba ɛ nɛra baa pere ba te, baa ba te kpɔe dɛɛ ja harɛ nɔ ta nɛra bini.

Nɛra Kura 24:16

Nɛn waa dɛ no Korowii waa waa bola la, dɛ́ dɔ waa mun noe le Nemenɛ Korowii be. Nɛn waa na wepila le Korowii Waa Ɛ Kpeɡri Bwa Dɔɔ be, dɛ chole chɔ harɛ asɛ n sie pili wɛɛ nyiŋi.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

We-ɛɛla 7:48

Gɛ Korowii keame la aa baɡla la, Nemenɛ Korowii aa deene nɛwɛnyini aa maa la ta so. Korowii keame baɡle ɡɛ Korowii aa ŋɔa ŋɔ,

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.