Mmarare 32:6 - mzwDBL

⁶ Korowii hɛɛ ɛ ken aa, nɛra haa ɡɛna haa wola liire dɔe. He mɛɛ, onee ta heya dɛ ɡel he ɛ harɛbir nɛra.

Mmarare 32:6 Iomraidhean Croise

2 Samoɛl 7:24

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

Job Tɔn 10:8

Men he ɡbabir aa kpɔ nɔɔra ma nɔ, hɛɛ berɔ chɔɡ mɛ naa?

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 116:12

Bɔkwaa mɛɛ ba wona kpɔ chiɡ hen Korowii wedɛɛɡa haa ɛa tɛ mɛ nɔ naa ta nɔ?

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 74:18

N Naa Korowii, na ɡɛ he dɔma aa dɛ mamɛ, na ɡɛ nɛra baa wola hen tomɛ aa dɛ ɛɛ nɛnhɛla.

Yela 74:2

Lii he nɛra saŋ la haa lee ba cheɡ tɛ he te la wa, nɛra haa lɛɛ ba le fiiɡa baa dɛ fiɡ ba ta. Lii Saayɔn Bwejen he fa aa soɡe o ta la wa.

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 4:22

Ásɛ he ŋɔ o be ŋɔ, Israel tena do kɛŋɔ n bibanloɡle ken,

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

1 Kɔrent 6:20

dɛkalkɛŋɔ o kpɔ Yeesu Kristo chal yawɛ heya. Anomanta, hé nyiŋi he bwadabii ta kɛrɛdɛ, dɛ́ kpɔ tomɛ Korowii dɛ́ tɛo sɔn.

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Mmarare 14:1

Mosis berɔ ŋɔ, “He ɛ Korowii haa dɛ tomɔ nɔ bii, anomanta, he bɛ nɛn waa sewa waa koh dɛɛ mɔne he bwara kɛɛ dɛɛ fonɛ he tili bɔra dɛɛ ta, ɡɛ nɛra baa wola Korowii tomɛ yon dɛɛ ɛ la.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Mmarare 32:18

He soh Korowii haa dɛ tomɔ o do kɛŋɔ Bwetal dɛɛ lɛ heyaa kohona, naate waa tɛ heyaa mkpa la wa.

Mmarare 32:28

Israel tena ɛ nɛra haa wola liire dɔe, he ta wejema dɔe kwaraa.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.