Mmarare 32:10 - mzwDBL

¹⁰ Korowii na ba baa ɡaaɡe pua hɛŋle ɡbo harɛ ta, harɛ waa chɔ pɛɛ olchɔɡa sii ɡbo tɔ bela peujena ɛɛ ta bela. O tɔ ba ɡbemɡbe dɛ nyiŋi ba nɛ kɛŋɔ o ɡbaɡba ken.

Mmarare 32:10 Iomraidhean Croise

Ɛsta 6:13

Waa kaa jo dem la, o baɡle waa aa puu la bwa o haah ne o daamanar la be. Asɛ ba jao ŋɔ, “Haa dena pa mun di sihiih Mɔdekae sie nɔ, o lɔɡaa hɛɛ ba doe, ásɛ o pɔ he nɛ, dɛkalkɛŋɔ o ɛ Juu te.”

Yela 107:40

Korowii siwi ta ba nɛra baa dɛ fiɡ ba la sui, a ɡel ba do pua hɛŋle ɡbo harɛ ta, bela ŋwɛnɛre aa wola toole dɛɛ ɡaaɡe.

Yela 17:8

Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.

Sɛɡla 7:2

Dɛɛ no n waa dɛ́ dɔ mkpa, dɛ́ɛ nyiŋi waa maa dɛ baɡle la ta kɛrɛdɛ, kɛŋɔ he siwinyiŋi ken.

Yelsom 8:5

Umee le pua hɛŋle ɡbo harɛ ta dɛɛ ba dɛ kpɔ o te dawɛ o sɛno nɛɛ nɔɔ? N iro che daa waa dɛ nɔnɛ lɔɡa, dɛ lawɛ ir bela baa lolɛ la.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Ɛsekeɛl 16:5

Nomɛlbwa ta tedoma dɔe tɛɛ, dɛ́ ɛɛ ɡɛ waa nɔ bini bɛlbwa. Kpɔɡ binii ba kpɔe ka ta, dɛkalkɛ awola baa lolɛ la bwaa ba haeh.

Ɛsekeɛl 20:36

Gɛ maa bol he naawa wa dɛ pa ba bole Sinai pua hɛŋle ɡbo harɛ ta la, ɡɛɛ mɛɛ ba heyaa ɛɛ. Men Nemenɛ Korowiirii bola.

Hosia 11:3

Menee chaɡle Israel tena ba jemɛ vala, dɛ laɡ ba n nɔɔra ne ba ir che, kɛ ba ta jemɛ kɛŋɔ menee nyiŋi ba nɛ.

Hosia 13:5

N nyiŋi he nɛɛ pua hɛŋle ɡbo harɛ ta, harɛ o ta aa do wɔrɔbe kohona.

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Tɔn Pɔɔl Aa Chwerɛ Rom Tena 2:18

He jemɛ ɡɛ Korowii aa dɛ nyin kɛ hɛɛ ɛ, dɛ jemɛ Mmara la, dɛ jemɛ waa aa wera bwa.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Mmarare 4:36

O ɡelɔ he no o taa dɛ le nyundua, dɛ chaɡle heyaa anɔ la aa chɛ kɛŋɔ hé ɛ. Dɛ ɡel he na o nii waa dɛ lawɛ kohona harɛ nɔ ta, asɛ dɛ ɡel he no o taa le nii la ta.