Mmarare 3:8 - mzwDBL

⁸ Gɛɛ a do ya lɛ Jɔɔdan baŋ wee leebɔr harɛ la le Amɔre tena koranar banɛ, Sihon ne Ɔɡ nɔn ta. Harɛ la chɔɔ le Aanɔn Fɛlembɔjen ta dɛ ka tel Hɛmɔn Bwejen ta.

Mmarare 3:8 Iomraidhean Croise

1 Koranar 4:19

Uri bibaa Gɛba chɔ Gelead harɛ nyoa. Bela fa ɛ Amɔre tena Kooro Sihon ne Basan Kooro Ɔɡ harɛre. Dɛ Gɛba ɡboo dɛɛ nyiŋi harɛ la ta.

1 Webena 5:23

Manasɛ dea pera tena la warɔ, dɛ so le Basan harɛ ta, dɛ kpoŋe kaa Baal Hɛmɔn ne Senir, dɛ Hɛmɔn Bwejen ta.

Yela 42:6

ne Korowii maa dɛ tomɛ. N bambile chɔɡɔ kohona, anomanta, mɛɛ lii he waa, dɛ́ le Jɔɔdan Moo nyuune ta, ne Misar ne Hɛmɔn Bwejena dor.

Yela 42:7

He ɡelɔ bɔchuubu nee lɔ dɛɛ kpɔ n nɛ mɛɛ di suna, kɛŋɔ nɛn nee aa sua dɛ kpɔɔ kaa ken.

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Mmarare 4:47

O ne Basan Kooro Ɔɡ ba bwa aa ɛ Amɔre tena koranar dɛ do Jɔɔdan Moo la wee leebɔr la harɛree ba lɛ.

Mmarare 4:48

Harɛ la chɔɔ le Aanɔn Fɛlembɔjen la doa bwɛɛ Arowa ta dɛ ka le Sereɔn Bwejen baa bera dɛɛ yerɔ Hɛmɔn la ta,

Josua 12:1

Koranar Israel tena aa yoo ba dɛ pɔ ba nɛɛ dɛ lɛ ba harɛre laanee nɔ. Harɛre la le Jɔɔdan Moo wee leebɔr, dɛ le Aanɔn Fɛlembɔjen dɛ kaa Jɔɔdan Fɛlembɔjen ta, dɛ kpoŋe kaa Hɛmɔn Bwejen weekaŋle nyundua. Koranar banɛɛ ba yo dɛ pɔ ba nɛ.

Josua 13:8

Dɛ Korowii bonɔɔ Mosis tɔ sie kpɔ Jɔɔdan Moo wee leebɔr harɛ tɛ Rubin ne Gad dɛ Manasɛ dea pera tena la bane, ásɛ o ɛ ba kapɛrɛ kon.