Mmarare 3:6 - mzwDBL

⁶ Ya chɔɡ a ɡɛ bwɛɛre la bwa, dɛ kpoo baala ne haahna dɛ bechale bwa kwaraa, ɡɛ yaa ɛ Hɛsbɔn Kooro Sihon harɛ ta la.

Mmarare 3:6 Iomraidhean Croise

Nɛra Kura 21:2

Anee Israel tena ŋwɛɛ baɡle Korowii ŋɔ, “Dɛ he cha yaa ya pɔ Keenan tena nɔ nɛ aa, yaa chɔɡ ba bwɛjena bwaa kwaraa.”

Mmarare 1:4

Dɛ Korowii tɔ sie yo Amɔre tena Kooro Sihon o fa aa di kora Hɛsbɔn, ne Basan Kooro Ɔɡ waa di kora Astarɔt ne Edrei, dɛ pɔ ba nɛɛ mɔɔ ɡɛ waa nɔ chiɡ.

Mmarare 2:24

Yaa kpɔ Moab harɛ ta ba kaa habɔɔ la, Korowii berɔ ŋɔ, ‘Hé ir, dɛ́ kpɔ he te dɛ́ ka le Aanɔn Moo la. Hé no! N kpɔ Sihon waa ɛ Amɔre kooro dɛ so Hɛsbɔn ne o harɛ do he nɔn ta. Hé ka pa mun dɛ́ lɛ harɛ la dɔɔh ásɛ dɛ yoo laa.

Mmarare 2:34

Ya lɛ o bwɛɛre bwa dɛ chɔɡa, dɛ kpoo baala ne haahna dɛ bechale bwa. Ya ta ɡelɛ nomɛlbwa won dɔ bɔr chwa.

Mmarare 29:6

He ta kondikwaa kɛɛ sen bɛlbwa dɔe nyɔ. O ɛ ɡɛ ásɛ he jemɛ kɛŋɔ onee Korowii haa dɛ tomɛ la.

Mmarare 3:2

Asɛ Korowii ŋɔ n be ŋɔ, ‘Dɛɛ berɛ o ɔma, n kpɔ o ne o nɛra ne harɛ la bwa do he nɔn ta. Ɛo ɡɛ haa ɛ Amɔre Kooro Sihon o fa aa dɛ di kora Hɛsbɔn la.’

Mmarare 3:5

Ba ma danjwɛkpeɡa a kaa nyundua bar bwɛjena la bwa, dɛ kpɔ bune dɛɛ kaɡre a doonyoone. Dɛ bwɛjeɡre baa wola danjwɛɛ mae bara ɡe warɛ bela.

Josua 11:14

Israel tena la cheɡɛ kondɛɛɡa ne kondɛɛra aa lɔ ɡɛ bwɛjena la ta bwa kaa a ɛ ba kwa. Ba kpo nɛra baa lɔ bwɛjena la ta bwa, bɛlbwa ta kae.