Mmarare 3:4 - mzwDBL

⁴ A ɡɛ saŋ la ya lɛ o bwɛjena bwa. Dɛ a lɔ bwɛjena fifraanumɛl, bɛlbwa toole yaa wola ba be lɛɛ, Aaɡob harɛ Kooro Ɔɡ aa dɛ di kora o ta Basan harɛ bwa.

Mmarare 3:4 Iomraidhean Croise

1 Koranar 4:13

Bɛn Gɛba chɔ bwɛjen Ramɔt waa lɔ Gelead harɛ ta nyoa, dɛ Jɛɛ dea tena, o ɛ Manasɛ naa, bwɛɛre aa lɔ bela, ne Aaɡob harɛ waa lɔ Basan. A bwa lɔ bwɛjena fifraanumɛl baa ma danjwɛjena bara, dɛ kpɔ ayaawa kwaa a doonyoo bune.

Nɛra Kura 21:35

Ate, Israel tena kpo Kooro Ɔɡ ne o bibaala, dɛ o laa tena la bwa dɛ lɛ harɛ la. Ba ta nomɛlbwa ɡelɛ, asɛ dɛ so harɛ la ta.

Mmarare 3:13

Gelead harɛ kar waa kaa la, ne Basan harɛ bela Kooro Ɔɡ fa aa dɛ di kora la bwa, n kpɔɔ tɛ Manasɛ dea tena bane kapa. Dɛ Aaɡob harɛ waa ɛ Basan harɛ pera bwaa ba fa ɛɛ yerɛ Refa tena baa kpeɡa la harɛ.

Mmarare 3:14

Manasɛ dea bie bɛl baa dɛ yerɔ Jɛɛ kpɔ Aaɡob waa ɛ Basan harɛ la bwa, dɛ kpoŋe ka le Gesur ne Maaka tena jwɛh ta. O kpɔ o sɔn pa bela, asɛ baa yerɛ bela Havɔt Jɛɛ dɛ ba le fini.

Mmarare 3:3

Gɛɛ Korowii kpɔ Kooro Ɔɡ ne o nɛra do ya nɔn ta. Asɛ ya kpoo ba bwa nɛmbeŋkpoŋ ɡba ta kae.

Mmarare 3:5

Ba ma danjwɛkpeɡa a kaa nyundua bar bwɛjena la bwa, dɛ kpɔ bune dɛɛ kaɡre a doonyoone. Dɛ bwɛjeɡre baa wola danjwɛɛ mae bara ɡe warɛ bela.

Mmarare 4:47

O ne Basan Kooro Ɔɡ ba bwa aa ɛ Amɔre tena koranar dɛ do Jɔɔdan Moo la wee leebɔr la harɛree ba lɛ.

Josua 12:4

Basan Kooro Ɔɡ harɛ ja a ta. O ɛ Refa tena kooro waa ka mun dɛ di kora bwɛjena Astarɔt ne Edrei ta.