Mmarare 27:3 - mzwDBL

³ ásɛ dɛ chwerɛ Mmarare la dawɛ a ta. Gɛ saŋ haa jo harɛ Korowii haa dɛ tomɔ nɔ aa kpɔa dɛɛ tɛ heyaa la ta la. O ɛ harɛpare ondɛɛɡe, ɡɛ Korowii he naawa aa tomɔ aa baɡɛ heyaa nyoa la.

Mmarare 27:3 Iomraidhean Croise

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Nɛra Kura 13:27

Ba ŋɔ Mosis be ŋɔ, “Ya laŋɔ ka nyiŋi harɛ haa tomɛ yaa o ta la. Kasinteŋ, o ɛ harɛ waa soma dɛ won kondikwaa ɛɛ kohona. Daa nɔna aa le o taa la.

Nɛra Kura 14:8

Dɛ Korowii sɛoh waa, wɛɛ tɔ ya siee, dɛ́ la ya ne harɛ la ta. O ɛ harɛpare ondɛɛɡe, wɛɛ kpɔɔ tɛ yaa.

Mmarare 26:9

O kpɔ yaa ba harɛpare ondɛɛɡe nɔ ta dɛ ba kpɔ tɛ yaa.

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Mmarare 6:8

Hé kpɔa ɛ kɛŋɔ nɔnloɡ do he nɔɔra, dɛ́ kpɔa vɔwɛ he tili ta ásɛ aa lii heya.

Hibru 10:16

“N Naa Korowii bolɔ ŋɔ, ‘Fɔo n ne baa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambile bini, dɛ́ chwerɔ do ba nyuune bini.’ ”

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Josua 8:32

Ebal Bwejen la taa Josua berɛ kwaa chwerɛ Mosis Mmara o fa aa chwera la tenten bwea ta, Israel tena bwa siwi ta.