Mmarare 26:8 - mzwDBL

⁸ Asɛ Korowii che o kpeɡri ne o bokpeɡa kohona waa dɔa la ta dɛ lɛ yaa le Ijipt harɛ ta. O ɛ nyokpowe-ɛɛla ne waa aa do ɔma kohona ɡe bela.

Mmarare 26:8 Iomraidhean Croise

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Jeremia 32:21

He cheɡɛ wejena ne nyokpowe-ɛɛla ta, dɛ kpɔ ɔmee kohona ta ya dɔma nɛ, dɛ che he kpeɡri ta lawɛ he nɛra Israel tena le Ijipt harɛ ta.

Mmarare 34:11

Korowii ta o keame bɛlbwa ɡe nɛɛ cheɡɛ dɛ ɛ nyokpowaa kɛŋɔ anɔ la waa ɡela Mosis ɛa Ijipt kooro ne o nɛra baa chɔ o harɛ nyoa, ne Ijipt harɛ la bwa ta la.

Mmarare 34:12

Gɛɛ Korowii keame bɛlbwa aa wola wone ɛ wejena ne waa aa do ɔma kɛŋɔ Mosis aa ɛa Israel tena la siwi ta la.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.