Mmarare 26:3 - mzwDBL

³ Hé kpɔ ka tɛ sɔfo waa so bela ɡɛ saŋ la dɛ́ ŋɔ, ‘Fini n cheɡɛ bonɔ dɛ bol dɛɛ baɡle Korowii haa dɛ tomɔ nɔ be kɛŋɔ, n tel harɛ waa ŋwɛɛ o waa ŋɔ wɛɛ kpɔɔ tɛ ya naawa la ta.’

Mmarare 26:3 Iomraidhean Croise

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 19:17

ate hé kpɔ nɛra banɛ waa la aa lɔ ba baah ta la la Korowii sie, sɔfore ne nɛra baa bol waa dɛɛ pa bole dɛ do le ɡɛ saŋ la be,

Mmarare 26:2

hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Mmarare 26:4

Sɔfo la ɛɛ lɛ wɛɡrɛ la ne kwaa laanee, dɛ́ kpɔ cheɡ Korowii haa dɛ tomɔ nɔ saraha kon la sie.

Hibru 10:21

Ya dɔ Sɔfonomonjen wɛɛ nyiŋi Korowii bii.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.