Mmarare 26:2 - mzwDBL

² hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Mmarare 26:2 Iomraidhean Croise

2 Koranar 4:42

Awola bɛl, baa bɛl le bwɛɛ baa dɛ yerɔ Baal Salisa, dɛ kpɔ meloɡla baa koma le koo ta a bena la, dɛ kpɔ ɛ paanoo fifraanɛ, dɛ kpɔ boyulwɛɛ ane ɡe ja ba tɛ Korowii keame Elaesa. Anee Elaesa ŋɔ, “Kpɔ tɛ n bala Korowii keamere baa pɛa dɛɛ valɛ nɔ bá di.”

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 44:30

He koo kondikonloɡla aa wera, ne komɛlbwa haa kpɔa baa tɛ mɛ la ɛɛ ɛ sɔfore la kwaa. He kpɔ menloɡla ba tɛɛ ba, ásɛ n swee andɛɛɡa tɛ heyaa he deremi.

Ɛsekeɛl 48:14

A ta chɛ kɛ bá yoɡ harɛ la kɛɛ bá kpɔ charɛ komɛl. Harɛ la pera waa dena do ɡoroŋ dɛ do wer ɡwaa a bwa laanee. A ta chɛ kɛ ó kaa nɛnfala be, dɛkalkɛ o do ɡoroŋ dɛ tɛ men Korowii.

Lewi Dea Tena 2:12

Hɛɛ won ba a ne kɛŋɔ he yon kpɔ kondikonloɡla baa tɛ mɛ bena bɛlbwa kon baa dɛ ɛ saraha o ta la. Kɛ bɛ an fuh o ta kɛ saraha kwaa baa fuah a sɔɔh ɛɛ do som n be la.

Lewi Dea Tena 2:14

Dɛ he kpɔ meloɡla dɛɛ ba ba ɛ saraha tɛ mɛ naa, kpɔ an wɔɔra baa peɡra kɛɛ dɛ nama.

Tɔn Pɔɔl Aa Chwerɛ Rom Tena 11:16

Dɛ kon pera wer dɛ chɛ Korowii aa, dɛ o kar la bwa ɡe wer. Dɛ daa lune wer dɛ chɛ Korowii aa, dɛ o ne o kpala bwaa.

Tɔn Pɔɔl Aa Chwerɛ Rom Tena 16:5

N dɛ na asɔre tena baa cheme ba dem dɛɛ tomɛ Korowii la bwa. N dɛ na n chamenate Epaenitus waa tɔ sie yarada Yeesu Kristo waa nɔ Eesia harɛ ta bwa la.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

1 Kɔrent 15:23

Kɛ ya bwa ne ya tɔperaa ya ir. Yeesu Kristoo tɔ sie ir mɔɔ, ásɛ ya banɔ la ya ne waa ɛ beŋkpoŋ la ɡe ir ɡɛ saŋ waa ba ja la.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

Mmarare 16:10

Ásɛ dɛ di Koo Kondikwaa Koma Tɔpejen Korowii haa dɛ tomɔ nɔ sɔn ta. Hé kpɔ kwaa he bambile aa lawa ba ɛ saraha tɛ Korowii. Andɛɛɡa waa ɡela he dɔ la taa chɛ kɛŋɔ hé nyiŋi dɛ́ ba kwaa la ne.

Mmarare 18:4

Banee bera chɛ kɛŋɔ hé kpɔ he mea aa tɔ sie ne he senfala, ne ɔleve noo dɛ peera pona he yon tɔ sie fona bena bɛlbwa la tɛ,

Mmarare 26:1

Mosis berɔ ŋɔ, “Dɛ he kaa jo harɛ Korowii haa dɛ tomɔ nɔ aa kpɔa dɛɛ tɛ heyaa kɛŋɔ kapɛrɛ kon la ta naa,

Mmarare 26:3

Hé kpɔ ka tɛ sɔfo waa so bela ɡɛ saŋ la dɛ́ ŋɔ, ‘Fini n cheɡɛ bonɔ dɛ bol dɛɛ baɡle Korowii haa dɛ tomɔ nɔ be kɛŋɔ, n tel harɛ waa ŋwɛɛ o waa ŋɔ wɛɛ kpɔɔ tɛ ya naawa la ta.’

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.